నేడు డా. ఆర్ఎస్ఎస్ కు మహాత్మా గాంధీ స్మారక విశిష్ట సేవా పురస్కారం

రైతులు, నిరుపేదలు, దివ్యాంగుల సేవకు గుర్తింపుగా సత్కారం
. దివ్యాంగ విద్యార్థులకు మెరిట్ స్కాలర్‌షిప్‌లు
పులివెందులలో ఉదయం 10 గంటలకు అవార్డు ప్రదానోత్సవం

పామూరు, మేజర్ న్యూస్ : 
సంక్షేమం, నిరుపేదలు, అనాథలు, దివ్యాంగుల సేవే ధ్యేయంగా అహర్నిశలు సేవలందిస్తున్న స్వతంత్ర శాస్త్రవేత్త డా. ఆర్ఎస్ఎస్ (డా. రామిశెట్టి శివశంకర్) సేవలను గుర్తిస్తూ మహాత్మా గాంధీ స్మారక విశిష్ట సేవా పురస్కారాన్ని నేడు ప్రదానం చేయనున్నారు. ఏపీ దివ్యాంగుల నెట్‌వర్క్ ఆధ్వర్యంలో పులివెందులలోని పుల్లారెడ్డి ఆసుపత్రి సమీపంలోని దివ్యాంగుల కమ్యూనిటీ భవనంలో ఉదయం 10 గంటల నుంచి మధ్యాహ్నం 12 గంటల వరకు ఈ కార్యక్రమం నిర్వహించనున్నారు. కార్యక్రమానికి మారుతి హాస్పిటల్‌కు చెందిన డా. ఎన్‌.చక్రపాణి, ఏపీ సీనియర్ జర్నలిస్ట్‌, రచయిత, ఆధ్యాత్మిక పరిశోధకుడు అల్లం రంగనాయకులు ముఖ్య అతిథులుగా హాజరుకానున్నారు. డా. ఆర్ఎస్ఎస్ రీసెర్చ్ ఫౌండేషన్ సహకారంతో దివ్యాంగ విద్యార్థులకు ప్రతిభా ప్రోత్సాహకంగా మెరిట్ స్కాలర్‌షిప్‌లను సైతం పంపిణీ చేయనున్నారు. సేవా కార్యక్రమాలను ప్రోత్సహించడంతో పాటు దివ్యాంగ విద్యార్థుల్లో ప్రతిభను గుర్తించి ప్రోత్సహించడమే కార్యక్రమం ప్రధాన ఉద్దేశమని నిర్వాహకులు తెలిపారు.