నగరం మండలంలో ఒక్క నామినేషన్ తిరస్కరణ - డబుల్ ఎంట్రీలో 6 నామినేషన్లు తొలగింపు

నగరం, మేజర్ న్యూస్: నగరం మండలంలో 14 ఎంపీటీసీ స్థానాలకు మండల వ్యాప్తంగా 76 ఎంపిటిసి స్థానాలకు నామినేషన్లు అందగా శనివారం నామినేషన్ పత్రాలు పరిశీలనలో చినమట్లపూడి సెగ్మెంట్ వైకాపా అభ్యర్థి మస్తాన్ వలి షేక్ నామినేషన్ తిరస్కరించామని ఎన్నికల అధికారి కె. సత్యనారాయణ తెలిపారు. ఈయన చినమట్లపూడి సాగునీటి సంఘంలో సభ్యుడైనందున తిరస్కరణకు గురైందని, రెండు సెట్ల వంతున నామినేషన్ వేసిన తెలుగుదేశం పార్టీ తరఫున 3, వైఎస్సార్సీపి తరఫున 3 నామినేషన్లలో ఒకటి రద్దు పర్చగా మిగిలిన 69 నామినేషన్లు సక్రమంగా ఉన్నట్లు ఆర్వో సత్యనారాయణ ప్రకటించారు.