నామినేషన్ వేసేందుకు ముగ్గురికి మాత్రమే అనుమతి

మక్కువ, సూర్య : ఎంపీటీసీ అభ్యర్థులు పోటీ చేసేందుకు నామినేషన్ వేసేందుకు ముగ్గురికి మాత్రమే అనుమతి ఉన్నట్లు రిటర్నింగ్ అధికారి జి శ్రీనివాసరావు తెలిపారు. స్థానిక మండల పరిషత్ కార్యాలయంలో సోమవారం రాజకీయ పార్టీ నాయకులతో రిటర్నింగ్ అధికారి శ్రీనివాసరావు సమావేశం నిర్వహించారు. నామినేషన్ పత్రాలపై అభ్యర్థి సంతకం తప్పనిసరిగా ఉండాలన్నారు. ఇంటి పన్ను నో డ్యూస్ తప్పనిసరిగా ఉండాలన్నారు. కుల ధ్రువీకరణ పత్రం సరిగా ఉండాలన్నారు. అలాగే ఏఎస్ఐ శ్రీనివాసరావు మాట్లాడుతూ పోలింగ్ కేంద్రాల పరిధిలో 144 సెక్షన్ అమలు చేయనున్నట్లు ఆయన తెలిపారు. ఎన్నికలు ప్రశాంత వాతావరణంలో జరిపించుకోవాలని, అభ్యర్థులు, రాజకీయ నాయకులు, ప్రజలు సహకరించాలని కోరారు. సమావేశంలో ఎంపీడీవో ఫణి భూషణ్, తహసిల్దార్ భానుప్రసాద్, పలు పార్టీల రాజకీయ నాయకులు పాల్గొన్నారు.

రిపోర్టర్ : తిరుపతిరావు, మక్కువ, పార్వతీపురం మన్యం.