మంత్రులకు స్వాగతం పలికిన మాస్టారు కొండపల్లి

రేపల్లె, మేజర్ న్యూస్;
నియోజకవర్గాన్ని ఆహ్లాద వాతావరణంలో పర్యాటక కేంద్రంగా అభివృద్ధి చేసేందుకు హైవేలో ఏర్పాటుచేసిన 100 అడుగుల జాతీయ జెండా ఆవిష్కరణ నిమిత్తం నియోజకవర్గానికి విచ్చేసిన జిల్లా ఇన్చార్జి మంత్రి కొలుసు పార్థసారథి విద్యుత్ శాఖ మంత్రి గొట్టిపాటి రవికుమార్ రెవిన్యూ శాఖ మంత్రి అనగాని సత్య ప్రసాద్ లకు ప్రజా చైతన్య వేదిక కన్వీనర్ కొండపల్లి పార్వతి చారిటబుల్ ట్రస్ట్ చైర్మన్ కొండపల్లి వెంకటేశ్వరరావు, శాంతా రామ్ ఆదివారం పూల గుచ్చాలు అందజేసి ఘనంగా స్వాగతం పలికారు. ఈ సందర్భంగా వారు మాట్లాడుతూ నియోజకవర్గాన్ని అన్ని విధాల అభివృద్ధి పరిచేందుకు నిరంతర శ్రమిస్తున్న మంత్రి అనగానీ సత్య ప్రసాద్ సేవలను నియోజకవర్గ ప్రజలు జీవితాంతం గుర్తుంచుకుంటారని తెలిపారు. గతంలో ఎన్నడూ జరగని అభివృద్ధి నేడు జరుగుతుందని ప్రత్యేకమైన నిధులను కేటాయిస్తూ నియోజకవర్గం అభివృద్ధి పథంలో మంత్రి అనగానీి నడుపుతున్నారని తెలిపారు. ఇంతటి అభివృద్ధిని చూపిస్తున్న మంత్రి అనగానికి స్థానిక సంస్థ ఎన్నికలలో ఘనవిజయం సాధించి నియోజకవర్గ ప్రజలు గిఫ్టుగా అందించాలని కోరారు.