మండల పరిషత్ నూతన పాలకవర్గానికి చీఫ్ విప్ జీవీ ఆంజనేయులు ఘన సన్మానం
వినుకొండ : మండల పరిషత్ నూతన పాలకవర్గానికి ప్రభుత్వ చీఫ్ విప్ జీవీ ఆంజనేయులు శుక్రవారం ఘనంగా సన్మానం చేశారు. ఎంపీపీగా విప్పర్ల రమాదేవి, వైస్ ఎంపీపీగా వెంకట నాగలక్ష్మి ఏకగ్రీవంగా ఎన్నికైన నేపథ్యంలో, వారితో పాటు వినుకొండ మండలం లోని ఎంపీటీసీ సభ్యులను ఆత్మీయంగా సత్కరించారు. వినుకొండలోని తెలుగుదేశం పార్టీ (టీడీపీ) కార్యాలయంలో జరిగిన ఈ కార్యక్రమంలో జీవీ ఆంజనేయులు మాట్లాడుతూ మండల పరిషత్ నూతన పాలకవర్గానికి హృదయపూర్వక అభినందనలు తెలిపారు. ఏకగ్రీవంగా ఎన్నికైన ఎంపీపీ, వైస్ ఎంపీపీలతో పాటు ఎంపీటీసీ సభ్యులందరికీ శుభాకాంక్షలు తెలియజేస్తూ, మండల ప్రజలను ఉద్దేశించి ప్రసంగించారు. ఈ కార్యక్రమంలో నూతనంగా ఎన్నికైన ఎంపీపీ విప్పర్ల రమాదేవి, వైస్ ఎంపీపీ వెంకట నాగలక్ష్మి, ఎంపీటీసీ సభ్యులు, పార్టీ నేతలు, కార్యకర్తలు పాల్గొన్నారు.
మల్లికార్జునరావు పల్నాడు జిల్లా ఇన్చార్జి..