మీడియా కమిటీ కన్వీనర్ గా లింగాల నరసింగరావు

విజయనగరం టౌన్, సెప్టెంబరు 30, మేజర్ న్యూస్:
ఆంధ్రప్రదేశ్ యూనియన్ ఆఫ్ వర్కింగ్ జర్నలిస్ట్స్ (ఏపీయూడబ్ల్యూజే) విజయనగరం జిల్లా మీడియా కమిటీ కన్వీనర్ గా లింగాల నరసింగరావు నియమితులయ్యారు.
ఈ సందర్భంగా ఏపీయూడబ్ల్యూజే డిప్యూటీ జనరల్ సెక్రటరీ పిఎస్ఎస్‌వి ప్రసాద్, జిల్లా అధ్యక్షుడు ఆరిపాక రాము, ప్రధాన కార్యదర్శి నార్లమహంతి సన్యాసిరావు, చిన్న మధ్యతరహా పత్రికల సంఘం అధ్యక్షుడు వీఎం పాత్రో, యూనియన్ సీనియర్ నాయకులు ఎలిశెట్టి సురేష్ కుమార్,పంచాది అప్పారావు, అక్షర కెరటం ఎడిటర్ కేజే శర్మ, భక్తి సమాచారం ఎడిటర్ సముద్రాల నాగరాజు, ఎలక్ట్రానిక్ మీడియా జిల్లా కమిటీ కార్యదర్శి కర్రోతు దేవి తదితరులు లింగాల నరసింగరావును అభినందించారు.

మీడియా రంగంలో సమన్వయంతో పనిచేస్తూ, జర్నలిస్టుల సమస్యలను సంబంధిత వర్గాల దృష్టికి తీసుకెళ్లడంలో మీడియా కమిటీ చురుకైన పాత్ర పోషించాలని పలువురు ఆకాంక్షించారు.