మీ ఇంటి ఆడపడుచుగా ఆదరించి, ఆశీర్వదించి

నెల్లూరు,  మేజర్ న్యూస్ :    ఓట్లు వేసి నన్ను 21వ డివిజన్ కార్పొరేటర్‌గా గెలిపించిన ప్రజానీకానికి పేరుపేరునా హృదయపూర్వక నమస్కారాలు, కృతజ్ఞతలు.  నాపై నమ్మకంతో కార్పొరేటర్‌గా ప్రజాసేవ చేసే అవకాశం కల్పించిన జనసేన పార్టీ అధినేత, రాష్ట్ర ఉప ముఖ్యమంత్రి  శ్రీ కొణిదెల పవన్ కళ్యాణ్ కి  ప్రత్యేక ధన్యవాదాలు.  నాకు అండగా నిలిచి, ప్రతి అడుగులో తోడుండి నడిపించిన రాష్ట్ర మున్సిపల్ శాఖ మంత్రి, నెల్లూరు నగర శాసనసభ్యులు  శ్రీ పొంగూరు నారాయణ  కి , వారి కుటుంబ సభ్యులకు, కూటమి నాయకులకు, కార్యకర్తలకు, వీరమహిళలకు, జనసైనికులకు మరియు నా విజయానికి కృషి చేసిన ప్రతి ఒక్కరికీ పేరుపేరునా హృదయపూర్వక ధన్యవాదాలు.  మీరు నాపై ఉంచిన నమ్మకాన్ని, ఇచ్చిన ఈ బాధ్యతను ప్రజాసేవకు అంకితం చేస్తాను. మన 21వ డివిజన్‌లోని ప్రజా సమస్యల పరిష్కారం, మౌలిక సదుపాయాల కల్పన, సంక్షేమ కార్యక్రమాల అమలు, అభివృద్ధి పనుల సాధన కోసం నిరంతరం కృషి చేస్తాను.  మీకు ఏ సమస్య వచ్చినా, ఏ అవసరం ఉన్నా మీ ఇంటి ఆడపడుచుగా మీకు అందుబాటులో ఉంటూ, మీ ఇంటి ముంగిటకే వచ్చి సహాయం అందించేందుకు ఎల్లప్పుడూ సిద్ధంగా ఉంటాను.  పదవి నాకు అధికారం కాదు… ప్రజలకు సేవ చేసే బాధ్యత. మీ అందరి సహకారంతో మన డివిజన్‌ను అభివృద్ధి పథంలో ముందుకు తీసుకెళ్తానని హామీ ఇస్తున్నాను.  మీ ఆశీస్సులు, ఆదరణ, సహకారం ఎల్లప్పుడూ ఉండాలని మనస్ఫూర్తిగా కోరుకుంటున్నాను.