మహిళా సంఘాలకు చెక్కులు పంపిణి..

పెద్దతిప్పసముద్రం మండలంలోని శ్రీ విజయ గణపతి కళ్యాణ మండపంలో బుధవారం తంబళ్లపల్లె నియోజకవర్గ టీడీపీ ఇంచార్జ్ జి.శంకర్ యాదవ్ వెలుగు స్వయం సహాయక సంఘాల మహిళలకు శ్రీనిధి పథకం కింద రూ.30 కోట్ల బ్యాంకు రుణాల చెక్కుల పంపిణీ కార్యక్రమం ఘనంగా నిర్వహించారు.ఈ సందర్భంగా తంబళ్లపల్లె నియోజకవర్గ టీడీపీ ఇంచార్జ్ జి.శంకర్ యాదవ్ మాట్లాడుతూ... మహిళలు ఆర్థికంగా స్వావలంబన సాధించేందుకు కూటమి ప్రభుత్వం అందిస్తున్న ఆర్థిక సహకారం ఎంతో కీలకమని, స్వయం సహాయక సంఘాల ద్వారా మహిళలకు ఉపాధి, ఆర్థిక భద్రత కల్పించడమే ప్రభుత్వ లక్ష్యమని తెలిపారు.ముఖ్యమంత్రి నారా చంద్రబాబు నాయుడు నాయకత్వంలో మహిళా సంక్షేమం, ఆర్థిక సాధికారతకు ప్రభుత్వం అధిక ప్రాధాన్యత ఇస్తోందని పేర్కొన్నారు. మహిళల అభివృద్ధితోనే కుటుంబాలు, గ్రామాలు, సమాజం అభివృద్ధి చెందుతాయని అన్నారు.ఈ కార్యక్రమంలో కూటమి నాయకులు, కార్యకర్తలు, ప్రజాప్రతినిధులు, టీడీపీ కుటుంబ సభ్యులు, మహిళా సంఘాల సభ్యులు, అభిమానులు, ప్రజలు పాల్గొన్నారు.

పాలగిరి గౌరి శంకర్..సూర్య తంబళ్లపల్లె నియోజకవర్గ ఇంచార్జ్