మద్యం దుకాణాల తనిఖీ

ఉదయగిరి,మేజర్ న్యూస్:  ఉదయగిరి పట్టణంలోని మద్యం దుకాణాలను గురువారం అసిస్టెంట్ ఎక్సైజ్ సూపరిండెంటెంట్ శ్రీనివాసబాబు తనిఖీ చేశారు. ఈ సం దర్భంగా దుకాణాల్లోని మద్యం నిల్వలు, విక్రయాల రికార్డులను పరిశీలించి తగు సూచనలు, సలహాలు ఇచ్చారు. ఈ సందర్భంగా ఆయన మాట్లాడుతూ దుకాణాల నిర్వహణలో సమయపాలన పాటించాలన్నారు. స్థానిక సంస్థల ఎన్నికల దృష్ట్యా ప్రభుత్వం సూచించిన నియమ, నిబంధనలు పాటించాలని తెలిపారు. నిబంధనలు అతి క్రమించిన దుకాణదారులపై శాఖా పరమైన చర్యలు ఉంటాయని హెచ్చరించారు. ఈ కార్యక్రమంలో ఎక్సైజ్ పోలీసులు, సిబ్బంది తదితరులు పాల్గొన్నారు.