andhrapradesh
కెనరా బ్యాంక్ నుంచి జేఎన్‌టీయూ సీఈఏకు మూడు డిజిటల్ బోర్డులు
(మల్లికార్జున నేటి దినపత్రిక సూర్య స్టాఫ్ రిపోర్టర్)
జేఎన్‌టీయూ కాలేజ్‌ ఆఫ్‌ ఇంజినీరింగ్‌ అనంతపురానికి కెనరా బ్యాంక్ శారదానగర్ శాఖ ఆధ్వర్యంలో సామాజిక బాధ్యత కార్యక్రమం కింద రూ.3 లక్షల విలువైన మూడు డిజిటల్ బోర్డులను అందజేశారు.
కెనరా బ్యాంక్ ప్రాంతీయ మేనేజర్ ఐ. శ్రీనివాసులు, విభాగ మేనేజర్ నరేష్ రెడ్డి, శాఖ మేనేజర్ ఎం. నాగరాజు డిజిటల్ బోర్డులను జేఎన్‌టీయూ ఉపకులపతి ప్రొఫెసర్ హెచ్. సుదర్శనరావుకు అందజేశారు. కార్యక్రమంలో రిజిస్ట్రార్ ప్రొఫెసర్ బి. దుర్గాప్రసాద్, సీఈఏ కళాశాల ప్రధానాచార్యులు ప్రొఫెసర్ పి. చెన్నారెడ్డి తదితరులు పాల్గొన్నారు.
ఈ సందర్భంగా ఉపకులపతి మాట్లాడుతూ డిజిటల్ బోర్డులు విద్యార్థులకు ఆధునిక బోధనా విధానాల్లో ఎంతో ఉపయోగకరంగా ఉంటాయని తెలిపారు. సామాజిక బాధ్యతలో భాగంగా సహకరించిన కెనరా బ్యాంక్ అధికారులకు జేఎన్‌టీయూ అధికారులు కృతజ్ఞతలు తెలిపారు.
