ప్రధాన మంత్రి శ్రీ నరేంద్ర మోదీ గారి పేరిట ఇంద్రకీలాద్రిలో ఖడ్గమాల అర్చన - శ్రీ పవన్ కళ్యాణ్ గారి ఆదేశాలతో ప్రత్యేక పూజలు నిర్వహించిన రాజ్యసభ సభ్యులు శ్రీ లింగమనేని రమేష్

 ప్రధాన మంత్రి నరేంద్ర మోదీ గారి ప్రజా ప్రస్థానం 25 వసంతాలు పూర్తి చేసుకున్న సందర్భంగా విజయవాడ ఇంద్రకీలాద్రిలోని  కనకదుర్గమ్మవారి దేవాలయంలో రాజ్యసభ సభ్యులు  లింగమనేని రమేశ్ ఆధ్వర్యంలో ప్రత్యేక పూజా కార్యక్రమాలు నిర్వహించారు. కనుక దుర్గమ్మవారి ఆశీస్సులతో ప్రధాని ఆయురారోగ్యాలతోపాటు దేశాన్ని వికసిత్ భారత్ వైపు నడిపించడానికి అవసరమైన శక్తి సామర్థ్యాలు లభించాలని కోరుతూ విశిష్టమైన ఖడ్గమాల అర్చన చేయించారు. లింగమనేని మాట్లాడుతూ మోదీ నాయకత్వంలో విశ్వగురుగా రూపొందుతున్న భారత దేశానికి ప్రపంచ వ్యాప్తంగా ప్రత్యేక గుర్తింపు వచ్చిందని, ఆయన పాలనలో దేశం అన్ని రంగాల్లో వేగవంతంగా పురోగతి సాగిస్తోందన్నారు.