కెల్ల వినాయక ఉత్సవంలో భారీ అన్నదాన కార్యక్రమం

గుర్ల, సెప్టెంబర్28మేజర్ న్యూస్: వినాయక ఉత్సవాల్లో భాగంగా కెల్ల గ్రామంలోఅంబేద్కర్ యూత్ ఆధ్వర్యంలో సోమవారం అన్నదాన కార్యక్రమాన్ని  సోమవారం ఘనంగా నిర్వహించారు.అంబేద్కర్ యూత్ కమిటీ సభ్యుల ఆహ్వానం మేరకు రాష్ట్ర వైఎస్సార్ కాంగ్రెస్ పార్టీ కార్యదర్శి మరియు రాజాం నియోజకవర్గ పరిశీలకులు కె.వి. సూర్యనారాయణ రాజు (పులిరాజు)  ముఖ్య అతిథిగా పాల్గొన్నారు.ఈ సందర్భంగా ఆయన ముందుగా గణపతిని దర్శించుకుని ప్రత్యేక పూజలు నిర్వహించారు.అనంతరం అక్కడ జరిగిన అన్న సమారాధన కార్యక్రమంలో పాల్గొని, భక్తులతో కలిసి ప్రసాదాన్ని స్వీకరించారు. ఈ సందర్భంగా ఆయన మాట్లాడుతూ గ్రామాల్లో వినాయక ఉత్సవాలు జరుపుకోవడం వలన యువతలో భక్తి భావన పెరుగుతుందన్నారు.యువత కలిసికట్టుగా ఉండి  అనుకున్న లక్ష్యాలు సాధించాలన్నారు. ముఖ్యంగా చెడు మార్గాల వైపు కాకుండా సన్మార్గంలో నడుచుకోవడం శ్రేయస్కరం అన్నారు.ఈ కార్యక్రమంలో యూత్ కమిటీ సభ్యులు, గ్రామస్థులు, భక్తులు తదితరులు పాల్గొన్నారు.