కరువు మండలాల ప్రకటన కోసం ఉద్యమిద్దాం

కరువు మండలాల ప్రకటన కోసం ఉద్యమిద్దాం 

ఎమ్మిగనూరు: సూర్య ప్రతినిధి 

ఎమ్మిగనూరు నియోజకవర్గంలోని ఎమ్మిగనూరు, గోనెగండ్ల, నందవరం మండలాలను తీవ్ర కరువు మండలాలుగా ప్రకటించి రైతాంగాన్ని ఆదుకోనే వరకు ఉద్యమం చేద్దాం అంటూ వైసీపీ ఇంచార్జి ఎర్రకోట రాజీవ్ రెడ్డి పిలుపునిచ్చారు. బుధవారం విలేకరులతో మాట్లాడుతూ  వైఎస్సార్ కాంగ్రెస్ పార్టీ ఆధ్వర్యంలో నియోజకవర్గ స్థాయి భారీ ర్యాలీ నిర్వహించనున్నామన్నారు.

వైఎస్సార్‌సీపీ ఎమ్మిగనూరు నియోజకవర్గ ఇన్‌చార్జ్ ఎర్రకోట రాజీవ్ రెడ్డి ఆధ్వర్యంలో అక్టోబర్ 8న ఉదయం 9 గంటలకు ర్యాలీ ప్రారంభం కానుంది. మాజీ ఎమ్మెల్యే చెన్నకేశవ రెడ్డి నివాసం నుంచి ప్రారంభమై శివా సర్కిల్ వరకు ర్యాలీ కొనసాగనుంది.

ర్యాలీలో మూడు మండలాలకు చెందిన రైతులు, పార్టీ నాయకులు, కార్యకర్తలు, ప్రజలు పెద్ద సంఖ్యలో పాల్గొనాలని వైఎస్సార్‌సీపీ నాయకులు పిలుపునిచ్చారు.