కమలా నగర్‌లో మార్వాడీ సోదరులతో మేయర్ అభ్యర్థి రమేష్ గౌడ్ ప్రచారం

అనంతపురం బ్యూరో (అనంతపురం బ్యూరో, మేజర్ న్యూస్) : అనంతపురం నగరపాలక సంస్థ ఎన్నికల ప్రచారంలో భాగంగా వైఎస్సార్ కాంగ్రెస్ పార్టీ మేయర్ అభ్యర్థి సి. రమేష్ గౌడ్ కమలా నగర్‌లో మార్వాడీ సోదరులను కలిసి ప్రచారం నిర్వహించారు. ఈ సందర్భంగా స్థానికులతో ఆత్మీయంగా మాట్లాడి, ఎన్నికల్లో తనకు మద్దతు తెలిపి ఫ్యాన్ గుర్తుపై ఓటు వేసి గెలిపించాలని కోరారు.

నగర అభివృద్ధి, ప్రజలకు మెరుగైన మౌలిక సదుపాయాల కల్పన, పారిశుధ్యం, తాగునీటి సమస్యల పరిష్కారానికి ప్రాధాన్యత ఇస్తానని రమేష్ గౌడ్ ప్రజలకు వివరించారు. నగరంలోని అన్ని వర్గాల ప్రజల సహకారంతో అనంతపురాన్ని అభివృద్ధి పథంలో ముందుకు తీసుకెళ్లేందుకు కృషి చేస్తానని తెలిపారు.

ప్రచార కార్యక్రమంలో స్థానికులు, పార్టీ నాయకులు, కార్యకర్తలు పాల్గొన్నారు.

రిపోర్టర్ : మొయినుద్దీన్, అనంతపురం బ్యూరో, అనంతపురం.