andhrapradesh
కావలిలో ఘనంగా ‘స్వచ్ఛతా హీ సేవా’ – పాల్గొన్న ఎమ్మెల్యే కావ్య.
కావలి మేజర్ న్యూస్ : దేశవ్యాప్త పిలుపులో భాగంగా కావలి పురపాలక సంఘం ఆధ్వర్యంలో 37వ వార్డులో ‘స్వచ్ఛతా హీ సేవా’ కార్యక్రమం ఘనంగా జరిగింది. ఈ కార్యక్రమానికి ముఖ్య అతిథిగా హాజరైన కావలి ఎమ్మెల్యే కావ్య కృష్ణారెడ్డి, ప్రజలు మరియు అధికారులతో కలిసి ‘స్వచ్ఛత ప్రతిజ్ఞ’ చేయించారు. ఈ సందర్భంగా ఎమ్మెల్యే మాట్లాడుతూ, పరిసరాల పరిశుభ్రత ప్రతి ఒక్కరి బాధ్యత అని, పట్టణాన్ని స్వచ్ఛంగా ఉంచుకోవడంలో ప్రజల భాగస్వామ్యం కీలకమని అన్నారు. ప్రతి ఒక్కరూ ఇళ్లతో పాటు పరిసరాలను శుభ్రంగా ఉంచుకుని రోగాల బారిన పడకుండా జాగ్రత్తలు వహించాలని పిలుపునిచ్చారు. ఈ కార్యక్రమంలో మున్సిపల్ అధికారులు, ప్రజాప్రతినిధులు, పారిశుధ్య సిబ్బంది పాల్గొన్నారు.
