కార్యకర్తలే పార్టీకి పట్టుకొమ్మలు వైసీపీ యువనేత కావాలి కృష్ణ తేజ

వేంపల్లె మేజర్ న్యూస్:
కార్యకర్తలే పార్టీకి పట్టుకొమ్మలని, వైఎస్ఆర్సిపి అధిష్టానం తమకు నిర్దేశించిన గుర్తింపుతో పార్టీ అభివృద్ధికి దోహద పడాలని గండి దేవస్థానం మాజీ ఛైర్మన్, యువనేత కావలి కృష్ణతేజ సూచించారు. మంగళవారం ఇడుపులపాయ గ్రామ పంచాయతీలోని మారుతి నగర్ ప్రాంతానికి చెందిన నాయకులు, కార్యకర్తలకు పార్టీ గుర్తింపు కార్డులు పంపిణీ చేశారు. ఈ సందర్భంగా ఆయన మాట్లాడుతూ సమన్వయంతో పనిచేస్తూ స్థానిక సంస్థల ఎన్నికల్లో గెలుపు లక్ష్యంగా సమిష్టి కృషి అందించాలని, కష్టపడే ప్రతి కార్యకర్తకు పార్టీ ఎల్లప్పుడూ అండగా నిలుస్తోందన్నారు. ఏవైనా సమస్యలు ఉంటే తమ దృష్టికి తీసుకురావాలని పరిష్కారానికి సమిష్టిగా కృషి చేద్దామని వెల్లడించారు. ఈ కార్యక్రమంలో నాయకులు పోతిరెడ్డి శ్రావణ్, గోపినాథ్, సుకర్ణ, సుధాకర్, రవి, శేఖర్, బాబు, రెడ్డయ్య, గంగయ్య, హనుమంతు, శ్రీరాములు, వెంకటేష్, శివశంకర్, నాగమ్మ తదితరులు పాల్గొన్నారు.

గండికోట షేక్ ఖదీర్, వేంపల్లె.
వైఎస్ఆర్ కడప జిల్లా.