జనసేనలోకి వైసీపీ సీనియర్ నేత బత్తుల మల్లికార్జునరావు

​కావలి, మేజర్ న్యూస్ :   కావలి నియోజకవర్గానికి చెందిన వైఎస్సార్ సీపీ సీనియర్ నాయకులు బత్తుల మల్లికార్జునరావు శుక్రవారం తన అనుచరులతో కలిసి జనసేన పార్టీలో చేరారు. బత్తుల మల్లికార్జునరావు, గండూరి శ్రీనివాసులు తమ అనుచరులతో కలిసి వైసీపీకి రాజీనామా చేసి జనసేన తీర్థం పుచ్చుకున్నారు.
​ఈ సందర్భంగా కావలి జనసేన పార్టీ సమన్వయకర్త మన్నెమాల సుకుమార్ రెడ్డి వారికి పార్టీ కండువా కప్పి సాదరంగా ఆహ్వానించారు. ఈ సందర్భంగా సుకుమార్ రెడ్డి మాట్లాడుతూ, అందరం కలిసికట్టుగా పనిచేసి నియోజకవర్గంలో జనసేన పార్టీ బలోపేతానికి కృషి చేయాలని పిలుపునిచ్చారు. రాబోయే స్థానిక సంస్థల ఎన్నికల్లో కూటమి అభ్యర్థుల విజయమే లక్ష్యంగా నాయకులు, కార్యకర్తలు శ్రమించాలని కోరారు.
​ఈ కార్యక్రమంలో జనసేన పార్టీ ముఖ్య నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.