హడ్కో కాలనీలో వైఎస్సార్‌సీపీ ప్రచార జోరు

నరసన్నపేట, సూర్య : నరసన్నపేట పట్టణంలోని హడ్కో కాలనీలో వైఎస్సార్ కాంగ్రెస్ పార్టీ ఎన్నికల ప్రచారం ఉత్సాహంగా సాగింది. జెడ్పీటీసీ అభ్యర్థి పంచిరెడ్డి సత్యనారాయణ, ఎంపీటీసీ అభ్యర్థి తంగుడు అరుణ్ దీప్‌లకు మద్దతుగా నిర్వహించిన ప్రచార కార్యక్రమంలో యువ నాయకుడు డాక్టర్ ధర్మాన కృష్ణచైతన్య పాల్గొన్నారు. ఈ సందర్భంగా పార్టీ నాయకులు, కార్యకర్తలతో కలిసి ఆయన కాలనీలో విస్తృతంగా ప్రచారం నిర్వహించారు. వైఎస్సార్‌సీపీ అభ్యర్థులకు మద్దతుగా కార్యకర్తలు నినాదాలు చేస్తూ ప్రచారాన్ని హోరెత్తించారు. “మన ఓటు ఫ్యాన్ గుర్తుకే.. మన మద్దతు వైఎస్సార్‌సీపీకే!” అంటూ ఓటర్లను ఆకట్టుకునే ప్రయత్నం చేశారు. ఈ ప్రచార కార్యక్రమంలో రాష్ట్ర కళింగ విభాగం అధ్యక్షుడు ఆరంగి మురళీధర్, జిల్లా కళింగ వైశ్య విభాగం అధ్యక్షుడు తంగుడు జోగారావు, జిల్లా వాణిజ్య విభాగం అధ్యక్షుడు కె.సి.హెచ్. గుప్తా, రాష్ట్ర కార్యదర్శి రఘుపాత్రిని శ్రీధర్, నియోజకవర్గ యువజన విభాగం అధ్యక్షుడు దండి జయప్రకాష్, మండల యువజన విభాగం అధ్యక్షుడు బుద్దల రాజశేఖర్, పట్టణ అధ్యక్షుడు పొట్నూరు సాయి ప్రసాద్, మండల ఉపాధ్యక్షుడు నేతింటి రాజేశ్వరరావు, జిల్లా మహిళా కార్యదర్శి సవర శైలజ, మరువాడ సుధారాణి తదితర నాయకులు, కార్యకర్తలు పాల్గొన్నారు.

రిపోర్టర్ : గోపాల్ కృష్ణ, నరసన్నపేట, శ్రీకాకుళం జిల్లా.