గుర్రపు స్వారీలో ఎన్‌సీసీ క్యాడెట్లు ప్రతిభ
ఎడ్యుకేషన్ స్టాఫ్ రిపోర్టర్ : హైదరాబాద్ పోలో అండ్ రైడింగ్ క్లబ్ ఆధ్వర్యంలో నిర్వహించిన తెలంగాణ రాష్ట్ర గుర్రపు స్వారీ ఛాంపియన్‌షిప్‌లో తిరుపతికి చెందిన 2(ఎ) ఆర్&వి రెజిమెంట్ ఎన్సిసి క్యాడెట్లు అద్భుత ప్రతిభ ప్రదర్శించారు. ఈనెల 16 నుంచి రెండు రోజులు పాటు తెలంగాణ గుర్రపు స్వారీ సమాఖ్య సహకారంతో జరిగిన ఈ పోటీలలో జంపింగ్ యంగ్ రైడర్ విభాగంలో కె తిరుమల్ స్వర్ణ పతకం, ఎన్.పుండరీకాక్ష కాంస్య సాధించగా, మురళి 'హైలీ కమెండెడ్' డిస్టింక్షన్‌తో నాల్గవ స్థానంలో నిలిచారు. ఓపెన్ షో జంపింగ్ విభాగంలో కె.తిరుమల్ రజత పతకం, ఎన్.పుండరీకాక్ష కాంస్య పతకం సాధించి తిరుపతికే గర్వకారణంగా నిలిచారు. ఈ అద్భుతమైన విజయాలు క్యాడెట్ల అంకితభావం, క్రమశిక్షణ, ధైర్యం అద్భుతమైన అశ్వశిక్షణను ప్రతిభం ఇస్తాయని ఎన్సిసి అధికారులు తెలిపారు. వారి విజయం, అశ్వశిక్షణ శిక్షణలో యూనిట్ చేస్తున్న నిరంతర కృషిని యువ ప్రతిభను ప్రోత్సాహం నిబద్ధతకు నిదర్శనమని తెలిపారు. ఈ విజయం ఎన్సిసి యూనిట్ కు క్యాడేట్లకు మరింత ప్రోత్సాహనిస్తుందని పేర్కొన్నారు.
సీఎం గౌడ్ తిరుపతి స్టాప్ రిపోర్టర్
