గ్రంథాలయ పఠనంపై విద్యార్థులు ఆసక్తి పెంచుకోవాలి : గ్రంథాలయ అధికారి బి.చంద్రశేఖర్ నాయక్ వెల్లడి

కురబలకోట,మేజర్ న్యూస్ : 59వ జాతీయ గ్రంథాలయ వారోత్సవాల్లో భాగంగా కురబలకోట శాఖ గ్రంథాలయంలో ఆదివారం పుస్తక ప్రదర్శన కార్యక్రమం నిర్వహించారు.ఇందులో భాగంగా గ్రంథాలయ అధికారి బి.చంద్రశేఖర్ నాయక్ చదువుల తల్లి సరస్వతి దేవి చిత్రపటానికి పూలమాల వేసి పూజలు చేశారు.ఈ కార్యక్రమానికి హాజరైన షిరిడీ సాయి పాఠశాల ఉపాధ్యాయుడు ఎస్.మస్తాన్ వలి మాట్లాడుతూ విద్యార్థులు పాఠ్య పుస్తకాలకే పరిమితం కాకుండా విశ్వవిజ్ఞానాన్ని అందించే వివిధ రకాల పుస్తకాలను కూడా చదవాలని సూచించారు.పుస్తక పఠనం ద్వారా జ్ఞానాన్ని పెంపొందించుకోవడంతో పాటు,మంచి ఆలోచనా విధానాన్ని అలవర్చుకోవచ్చని తెలిపారు.గ్రంథాలయ అధికారి చంద్రశేఖర్ నాయక్ మాట్లాడుతూ గ్రంథాలయాలను ప్రతి ఒక్కరూ సద్వినియోగం చేసుకొని పుస్తక పఠనంపై ఆసక్తి పెంచుకోవాలని,పుస్తకాల ద్వారా విజ్ఞానాన్ని విస్తృతం చేసుకోవచ్చని పేర్కొన్నారు.ఈ కార్యక్రమంలో ఏ.పద్మావతమ్మ,కె.రమణమ్మ,ఎం.సుబ్బలక్ష్మి,విద్యార్థులు,పాఠకులు,స్థానిక ప్రజలు పాల్గొన్నారు.

రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇన్చార్జ్