గ్రంధాలయంలో అలరించిన కవి సమ్మేళనం
గ్రంథాలయం నందు అలరించిన కవి సమ్మేళనం
కనిగిరి ,మేజర్ న్యూస్ :కనిగిరి శాఖా గ్రంధాలయం నందు 59వ జాతీయ గ్రంథాలయ వారోత్సవాలు సందర్భంగా నాల్గవ రోజు మంగళవారం కవి సమ్మేళనం ఘనంగా నిర్వహించారు. గ్రంథపాలకుడు షేక్ అహ్మద్ షరీఫ్ అధ్యక్షతన జరిగిన ఈ కార్యక్రమానికి ప్రముఖ కవి విశ్లేషకులు రిటైర్డ్ ఎంఈఓ కొండ్రెడ్డి వెంకటేశ్వర రెడ్డి ముఖ్య అతిథిగా పాల్గొని మాట్లాడారు .తెలుగు భాషను సంస్కృతిని సాంప్రదాయాలను వ్యక్తిత్వ వికాసానికి గ్రంథాలయ ఆవశ్యకత ఎంతైనా ఉందని వాటిని కాపాడుకోవాల్సిన బాధ్యత మనపై ఉందని విద్యార్థిని విద్యార్థులు యువతి యువకులు వారి మనోభావాలను కవితల రూపంలో తెలియచేయాలని వారిని ప్రోత్సహిస్తామని తెలియజేశారు .తెలుగు ప్రాంత కవులు మంచి సేవలను అందిస్తున్నారని యువ కవులను ప్రోత్సహించాల్సిన నైతిక బాధ్యత వీరిపైన ఉందని అన్నారు. అనంతరం కవి సమ్మేళనం ఎంతో ఘనంగా జరిగింది .అనంతరం కవులు రవి కుమార్ ,రవణయ్య ,కమాల్ బాష తన కవితలతో అందరిని ఆలోచింపచేశారు . గ్రంథపాలకుడు కవులను ఘనంగా శాలువాతో సత్కరించారు.ఈ కార్యక్రమంలో గ్రంధాలయ సిబ్బంది పాఠకులు పాల్గొన్నారు.