గ్లోబల్ హార్టికల్చర్ హబ్–రాయలసీమ రైజింగ్’పై ప్రజల్లో అవగాహన

అనంతపురం బ్యూరో 

‘గ్లోబల్ హార్టికల్చర్ హబ్–రాయలసీమ రైజింగ్’పై ప్రజల్లో అవగాహన కల్పించేందుకు వీడియో, రీల్స్ కంటెస్ట్ నిర్వహిస్తున్నట్లు జిల్లా కలెక్టర్ ఓ.ఆనంద్ తెలిపారు. రాయలసీమ, ప్రకాశం, మార్కాపురం ప్రాంతాలను ప్రపంచ స్థాయి ఉద్యాన పంటల కేంద్రంగా అభివృద్ధి చేసే లక్ష్యాన్ని సృజనాత్మకంగా ప్రతిబింబించేలా 60–90 సెకన్ల నిడివితో వీడియోలు రూపొందించాలని సూచించారు.

సెప్టెంబర్ 26 నుంచి 30 మధ్యాహ్నం 12 గంటల వరకు పోటీకి ఎంట్రీలు పంపవచ్చు. ఉత్తమ ఐదు వీడియోలను ఎంపిక చేసి అక్టోబర్ 2న మదనపల్లిలో జరిగే కార్యక్రమంలో ప్రదర్శించడంతో పాటు విజేతలను సత్కరిస్తారు. పాల్గొనేవారు తమ సోషల్ మీడియా ఖాతాల్లో వీడియోలను పోస్ట్ చేసి @APOfficialNewsను ట్యాగ్ చేయాలని, నిర్దేశిత హ్యాష్‌ట్యాగ్‌లను వినియోగించాలని కలెక్టర్ కోరారు. పోటీపై విస్తృత ప్రచారం కల్పించాలని సంబంధిత శాఖలను ఆయన ఆదేశించారు.