ఘనంగా విశ్రాంత ఉద్యోగుల 43వ ఆవిర్భావ దినోత్సవం

ఇంకొల్లు, మేజర్‌న్యూస్‌ :
ఆంధ్రప్రదేశ్ రాష్ట్ర ప్రభుత్వ విశ్రాంత ఉద్యోగుల సంఘం "43వ  ఆవిర్భావ దినోత్సవం" ఇంకొల్లులో ఘనంగా నిర్వహించారు. సభకు ఇంకొల్లు శాఖ అధ్యక్షులు కరి కమలేశ్వరరావు అధ్యక్షత వహించారు. 13-10-1984న ఉమ్మడి ఆంధ్రప్రదేశ్ లో  సంఘం ఏర్పాటు చేశారని, అప్పటి నుండి విశ్రాంత ఉద్యోగుల సమస్యలపై పోరాటాలు చేస్తూ, పరిష్కారానికి కృషి చేస్తున్నదని పలువురు వక్తలు వివరించారు. ఇంకొల్లు లో ఉపఖజానా కార్యాలయము లేకపోయినప్పటికి, ఇంకొల్లులో ఈ సంఘాన్ని చేయుటకు కృషి చేసిన  కరి శేషయ్య, రావి హనుమంతరావు,  చుండూరి రామయ్య లకు నివాళులు అర్పించారు. అంబటి జానకి రామయ్య జ్ఞాపకార్ధం కుటుంబ సభ్యులు ఒక లక్ష రూపాయలు విరాళం ఇచ్చి భవనాన్ని ఏర్పాటు చేయడం, రావుల బాపయ్య, దాచూరి రామిరెడ్డి, ఆదినారాయణ ల సహకారంను గుర్తు చేసుకున్నారు.  80సంవత్సరాలు నిండిన సూపర్ సీనియర్ సభ్యులకు సన్మానించారు. పెన్షనర్ ల ఆరాధ్యదైవం కీ.శే. నకారా విగ్రహానికి సీనియర్ సభ్యులు చల్లపల్లి వెంకటేశ్వర్లు పొనుగుపాటి వెంకటసుబ్బారావు, నూతలపాటి చెన్నకేశవరావు లు పూలమాలలువేసి నివాళులు అర్పించారు. ఈ కార్యక్రమంలో ప్రధాన కార్యదర్శి తగిరిశ వీరాంజనేయులు, కోశాధికారి భవనం హరేరామి రెడ్డి, బాపట్ల జిల్లా గౌరవాధ్యక్షులు ఆవుల హనుమంతరావు, ఆర్గనైజింగ్ కార్యదర్శి ఉప్పల వెంకట గోపాలరావు, కార్యవర్గ సభ్యులు  నార్నె తాతయ్య, కాకి జర్మియా జయరాజ్, అమ్మనమంచి శ్రీనివాసరావు, చిడిపుడి నాగేశ్వరరెడ్డి, ఉదయకుమారి, రాధారాణి, బ్రహ్మనాయుడు, కందిమళ్ళ బ్రహ్మయ్య, సాదినేని వెంకటేశ్వర్లు, జంధ్యాల వెంకట రమణ మూర్తి, వజ్జా వెంకటేశ్వర్లు, సుభాకర్ తదితరులు పాల్గొన్నారు. 
సూర్య రిపోర్టర్‌ : షేక్‌ జానిబాష, ఇంకొల్లు.