గాంధీజీ ఆశయాలను ప్రతి ఒక్కరూ ఆచరించాలి - ఎమ్మెల్యే

ప్రొద్దుటూరు అర్బన్ మేజర్ న్యూస్:

జాతిపిత మహాత్మ గాంధీ 157వ జయంతి సందర్భంగా ప్రొద్దుటూరు పట్టణంలోని గాంధీ రోడ్డులో ఉన్న మహాత్మ గాంధీ విగ్రహానికి ఎమ్మెల్యే నంద్యాల వరదరాజుల రెడ్డి పూలమాల వేసి ఘనంగా నివాళులర్పించారు. ఈ సందర్భంగా గాంధీజీ దేశ స్వాతంత్ర్య సాధనకు చేసిన సేవలను స్మరించుకున్నారు. సత్యం, అహింస, శాంతి, సామాజిక సమానత్వం వంటి గాంధీజీ ఆశయాలు నేటి సమాజానికి కూడా ఆదర్శప్రాయమని పేర్కొన్నారు. దేశ అభివృద్ధితో పాటు ప్రజల్లో ఐక్యత, సామాజిక బాధ్యత, మానవతా విలువలను పెంపొందించుకోవాల్సిన అవసరం ఉందన్నారు. మహాత్మ గాంధీ చూపిన మార్గంలో ప్రతి ఒక్కరూ నడుస్తూ సమాజ శ్రేయస్సుకు తమ వంతు కృషి చేయాలని సూచించారు. ఈ కార్యక్రమంలో షేక్ కార్పొరేషన్ ఛైర్మన్ వీఎస్ ముక్తియార్, రాజుపాలెం మండల మాజీ జెడ్పీటీసీ తోట మహేశ్వరరెడ్డి, నాయకులు ఈవీ సుధాకర్ రెడ్డి, రామాంజనేయులు, మురళీధర్ రెడ్డి, వెంకటకొండయ్య, రమణ, నాగరాజు తదితరులు పాల్గొన్నారు.