ఎన్నికల్లో అలజడులు సృష్టిస్తే కఠిన చర్యలు తప్పవు జిల్లా ఎస్పీ విక్రాంత్ పాటిల్ హెచ్చరిక
ఓర్వకల్లు మేజర్ న్యూస్:;స్థానిక సంస్థల ఎన్నికల సందర్భంగా గ్రామాల్లో అలజడులు, అల్లర్లు సృష్టించినా, ఘర్షణలకు పాల్పడినా కఠిన చర్యలు తప్పవని జిల్లా ఎస్పీ విక్రాంత్ పాటిల్ హెచ్చరించారు.
బుధవారం ఓర్వకల్లు మండల కేంద్రంలోని మండల పరిషత్ కార్యాలయంలో జరుగుతున్న ఎన్నికల నామినేషన్ ప్రక్రియను ఆయన పరిశీలించారు. అక్కడ విధులు నిర్వహిస్తున్న పోలీసు సిబ్బందితో పాటు కర్నూలు డీఎస్పీ రాఘవేంద్ర, రూరల్ సీఐ చంద్రబాబు నాయుడును ఎన్నికల ఏర్పాట్లు, భద్రతా చర్యల వివరాలను అడిగి తెలుసుకున్నారు.
ఈ సందర్భంగా ఎస్పీ మాట్లాడుతూ.. ఎన్నికల సమయంలో శాంతిభద్రతలకు విఘాతం కలిగించే వారిని ఉపేక్షించవద్దని పోలీసు అధికారులకు సూచించారు. అల్లర్లు సృష్టించే వారిపై, ఘర్షణలకు దిగే వారిపై చట్టప్రకారం కఠిన చర్యలు తీసుకోవాలని ఆదేశించారు. ఎన్నికల ప్రక్రియ ప్రశాంతంగా, పారదర్శకంగా జరిగేలా పోలీసులు అప్రమత్తంగా విధులు నిర్వహించాలని సూచించారు.
ఈ కార్యక్రమంలో ఓర్వకల్లు ఎస్సై సునీల్ కుమార్, ఉలిందకొండ ఎస్సై, నాగలాపురం ఎస్సైతో పాటు పోలీసు సిబ్బంది పాల్గొన్నారు.
