ఎన్నికల విధుల్లో పాల్గొన్న సిబ్బందికి నవంబర్ 6న (నేడు) ప్రత్యేక సాధారణ సెలవు

నెల్లూరు,  మేజర్ న్యూస్ :   నెల్లూరు జిల్లా వ్యాప్తంగా నవంబర్ 5న నిర్వహించిన ఎంపీటీసీ, జెడ్పీటీసీ ఎన్నికల పోలింగ్ విధుల్లో పాల్గొన్న ప్రిసైడింగ్ అధికారులు, అసిస్టెంట్ ప్రిసైడింగ్ అధికారులు, ఇతర పోలింగ్ సిబ్బందికి నవంబర్ 6వ తేదీన ప్రత్యేక సాధారణ సెలవు (Special Casual Leave) వర్తింపజేయాలని జిల్లా కలెక్టర్, జిల్లా ఎన్నికల అధికారి హిమాన్షు శుక్లా ఆదేశించారు. ఎన్నికల విధుల్లో సుదీర్ఘ సమయం పాటు పనిచేసిన సిబ్బంది మరుసటి రోజు విధులకు హాజరుకాని పక్షంలో, వారి గైర్హాజరును ఆన్ డ్యూటీగా పరిగణించాలని అన్ని సెలవుల మంజూరు అధికారులకు సూచించారు. అయితే, వీరు ఎన్నికల విధులకు సంబంధించిన నియామక ఉత్తర్వులు, రిటర్నింగ్ అధికారి లేదా అసిస్టెంట్ రిటర్నింగ్ అధికారి జారీ చేసిన డ్యూటీ సర్టిఫికెట్‌ను సమర్పించాల్సి ఉంటుంది. ఎన్నికల విధుల్లో వాస్తవంగా పాల్గొన్న సిబ్బందికి డ్యూటీ సర్టిఫికెట్లు జారీ చేయాలని రిటర్నింగ్ అధికారులను ఆదేశించారు.