ఎన్నికల సిబ్బందికి పోస్టల్ బ్యాలెట్ సౌకర్యం 24న గన్నవరం బాయ్స్ హైస్కూల్లో ఓటింగ్ కేంద్రం.
గన్నవరం, మేజర్ న్యూస్.
ఎన్నికల విధులకు నియమితులైన అర్హత కలిగిన ప్రభుత్వ ఉద్యోగులు పోస్టల్ బ్యాలెట్ ద్వారా ఓటు వేసేందుకు ఈ నెల 24న గన్నవరం బాయ్స్ హైస్కూల్లో ప్రత్యేక కేంద్రం ఏర్పాటు చేసినట్లు తహసీల్దార్ కె.వి. శివయ్య తెలిపారు. ఉదయం 7 నుంచి సాయంత్రం 5 గంటల వరకు పోస్టల్ బ్యాలెట్ సౌకర్యం అందుబాటులో ఉంటుందన్నారు.
గన్నవరం మండలంలోని 20 గ్రామ పంచాయతీలకు సంబంధించి సర్పంచ్, వార్డు సభ్యుల బ్యాలెట్ పత్రాలు కేంద్రంలో అందుబాటులో ఉంటాయని పేర్కొన్నారు. ఎన్నికల విధులకు నియమితులైన ఉపాధ్యాయులు, పోలీసు, సచివాలయ, అంగన్వాడీ, ఇతర ప్రభుత్వ సిబ్బంది డ్యూటీ ఆర్డర్, ఓటరు గుర్తింపు కార్డుతో కేంద్రానికి హాజరై ఓటు హక్కు వినియోగించుకోవాలని కోరారు.
సూర్య రిపోర్టర్ ::గుర్రం ప్రసాద్, గన్నవరం, కృష్ణా జిల్లా.