ఎమ్మెల్యే ని కలిసిన 31 డివిజన్ కార్పొరేటర్ భానుప్రియ క్రికెట్ విజయ్ కి కార్పొరేటర్ పదవి అంకితం...

తిరుపతి, మేజర్ న్యూస్ :
తిరుపతి కార్పొరేషన్ ఎన్నికలలో 31 వ డివిజన్ కార్పొరేటర్ గా గెలుపొందిన మందపాటి భానుప్రియ, జిల్లా క్రికెట్ అసోసియేషన్ కార్యదర్శి సతీష్ యాదవ్ దంపతులు బుధవారం ఎమ్మెల్యే అరణి శ్రీనివాసులను మర్యాదపూర్వకంగా కలిశారు. అనంతరం ఎమ్మెల్యే ని శాలువతో సత్కరించారు. ప్రజలకు అందుబాటులో ఉండి ప్రజా సమస్యలను పరిష్కరించేలా దృష్టి సారించాలని కార్పొరేటర్ భానుప్రియ దంపతులకు ఎమ్మెల్యే సూచించారు. అనంతరం ఎమ్మెల్యే తనయుడు అరణి జగన్ ను కూడా కలిశారు.
అనంతరం మీడియాతో  కార్పొరేటర్ మందపాటి భానుప్రియ, ఆమె భర్త సతీష్ యాదవ్ మీడియాతో మాట్లాడుతూ తాము గెలుపొందడానికి సహకరించిన 31వ డివిజన్ ఓటరు మహాశయులందరికీ  రుణపడి ఉంటామని చెప్పారు. డివిజన్లోని ప్రజలకు ఏ సమస్య వచ్చినా ఆపద వచ్చిన పరిష్కరించేందుకు ఎప్పుడు, ఎల్లప్పుడూ ముందుంటామని పేర్కొన్నారు. ప్రచార సమయంలో 31 డివిజన్లోని పలు వీధులలో ప్రజలు ఎదుర్కొంటున్న పలు సమస్యలను తమ దృష్టికి తీసుకువచ్చారని వాటిని పరిష్కరించే దిశగా అధికారుల దృష్టికి తీసుకెళ్లి పరిష్కరింప చేస్తామని హామీ ఇచ్చారు. తమ విజయానికి సహకరించిన ప్రతి ఒక్కరికి పేరుపేరునా ప్రత్యేక ధన్యవాదాలు తెలిపారు.
క్రికెట్ విజయ్ కి కార్పొరేటర్ పదవి అంకితం...
తన సతీమణి మందపాటి భానుప్రియ కు జనసేన పార్టీ తరఫున కార్పొరేటర్ టికెట్ ఇప్పించి విజయం చేకూరడంలో కీలకంగా వ్యవహరించిన క్రికెట్ అసోసియేషన్ రాష్ట్ర నేత క్రికెట్ విజయ్ కుమార్ కు తాము గెలుపొందిన కార్పొరేటర్ పదవిని అంకితం చేస్తున్నామని కార్పొరేటర్ భానుప్రియ, జిల్లా క్రికెట్ అసోసియేషన్ కార్యదర్శి సతీష్ యాదవ్ తెలిపారు. రాజకీయాలలో తాము కొత్త అయినప్పటికీ మమ్మల్ని గుర్తించి జనసేన పార్టీలో సభ్యత్వం ఇప్పించిన క్రికెట్ విజయ్ అన్నకు జీవితాంతం రుణపడి ఉంటామని పేర్కొన్నారు. ఈరోజు కార్పొరేటర్ గా వేలాది మంది ప్రజల ఆశీస్సులతో గెలుపొందామంటే అందుకు ఎమ్మెల్యే ఆరని శ్రీనివాసులు ఆశీస్సులతోపాటు క్రికెట్ విజయ్ సహకారం, తోడ్పాటు మరువలేనిదని, వారికి ఎప్పుడు కృతజ్ఞతాభివందనాలు తెలియజేస్తూ రుణపడి ఉంటామని వారు తెలిపారు. 

H. Dwaraka, staff reporter 

9705347341.