ఎమ్మెల్యే కావ్య కృష్ణారెడ్డికి వాసవి అమ్మవారి నవరాత్రోత్సవ ఆహ్వాన పత్రిక అందజేత

వైభవంగా వాసవి కన్యకా పరమేశ్వరి శరన్నవరాత్రోత్సవాలు: ఎమ్మెల్యే కావ్యకు తొలి ఆహ్వానం

11 నుంచి వాసవి అమ్మవారి నవరాత్రి మహోత్సవాలు.. ఎమ్మెల్యే కావ్య కృష్ణారెడ్డికి ఆహ్వాన పత్రిక అందజేసిన ఆలయ కమిటీ

కావలి, మేజర్ న్యూస్ :   స్థానిక శ్రీ వాసవి కన్యకా పరమేశ్వరి దేవస్థానంలో అత్యంత వైభవంగా నిర్వహించనున్న శరన్నవరాత్రి మహోత్సవాల ఆహ్వాన పత్రికను కావలి శాసనసభ్యులు కావ్య కృష్ణారెడ్డికి ఆలయ కమిటీ సభ్యులు బుధవారం మర్యాదపూర్వకంగా అందజేశారు. ఈ సందర్భంగా ఆలయ ప్రతినిధులు ఎమ్మెల్యేను కలిసి ఆహ్వాన పత్రికను అందజేసి, ఉత్సవాలకు ముఖ్య అతిథిగా విచ్చేసి అమ్మవారి దివ్య ఆశీస్సులు అందుకోవాలని సాదరంగా ఆహ్వానించారు. అనంతరం ఉత్సవాల వివరాలను ఎమ్మెల్యేకు వివరించారు. ఈనెల 11వ తేదీ ఆదివారం నుండి 20వ తేదీ మంగళవారం వరకు పది రోజుల పాటు దేవీ శరన్నవరాత్రి మహోత్సవాలు శాస్త్రోక్తంగా జరగనున్నాయని తెలిపారు. ఈ పది రోజుల పాటు శ్రీ వాసవి కన్యకా పరమేశ్వరి అమ్మవారు రోజుకో విశేష అలంకారంలో భక్తులకు దర్శనమివ్వనున్నారని, ప్రతిరోజూ ప్రత్యేక పూజలు, కుంకుమార్చనలు వైభవంగా జరుగుతాయని ఆలయ కమిటీ పేర్కొంది. ఉత్సవాల సందర్భంగా ఆలయానికి తరలివచ్చే భక్తులకు ఎలాంటి అసౌకర్యం కలగకుండా దర్శన క్యూలైన్లు, తాగునీరు, ప్రసాద వితరణ తదితర అన్ని ఏర్పాట్లను పకడ్బందీగా పూర్తి చేస్తున్నామని వెల్లడించారు. ఈ కార్యక్రమంలో ఆలయ కమిటీ ప్రతినిధులు, ఆర్యవైశ్య ప్రముఖులు తదితరులు పాల్గొన్నారు.