ఈనెల 12న నగరంలో మెగా వైద్య శిబిరం

నగరం, మేజర్ న్యూస్:  సేవా సంకల్ప్ అభియాన్ కార్యక్రమంలో భాగంగా స్థానిక సామాజిక ఆరోగ్య కేంద్రంలో ఈనెల 12న ఉదయం 9 గంటలకు మెగా వైద్య శిబిరం నిర్వహిస్తున్నట్లు వైద్యాధికారి డాక్టర్ మధిర రత్నకుమారి తెలిపారు. శనివారం స్థానిక పిహెచ్ సిలో ఆమె మాట్లాడుతూ మంత్రి అనగాని సత్యప్రసాద్ సోదరుడు అనగాని శివప్రసాద్ మెగా వైద్య శిబిరాన్ని ప్రారంభిస్తారన్నారు. బాపట్ల, చీరాల ఏరియా వైద్యశాలల నుంచి ఆయా వైద్య రంగాల్లోని నిపుణులు వైద్య పరీక్షలు చేస్తారన్నారు. చర్మవ్యాధులు, చెవి, ముక్కు, గొంతు, ఆర్థోపెడీషియన్, గైనకాలజిస్ట్, చిన్నపిల్లలు, దంత, కంటి తదితర వైద్యనిపుణులు రోగులను పరీక్షించి ఉచితంగా మందులు సరఫరా చేస్తారన్నారు. ఈ ప్రాంతంలోని ప్రజలు సద్వినియోగం చేసుకోవాలని డాక్టర్ రత్న కుమారి కోరారు.