దివంజిపేటలో ఉచిత వైద్య శిబిరం

ఆమదాలవలస, సూర్య : ఆమదాలవలస మండలం సైలాడ పంచాయతీ దివంజీపేట గ్రామంలో మెడి కవర్ హాస్పిటల్ ఆధ్వర్యంలో మంగళవారం ఉచిత మెగా వైద్య శిభిరం నిర్వహించారు. ఈ సందర్భంగా సుమారు 150మంది రోగులకు వైద్య పరీక్షలు చేసి ఉచితంగా మందులు పంపిణీ చేసారు. గుండె, షుగర్, ఇతర వ్యాధులకు సంబంధించి వైద్య పరీక్షలు నిర్వహించారు.  సీజనల్ వ్యాధులపై ప్రజలు తగిన శ్రద్ధ వహిస్తూ  ఆరోగ్య సూత్రాలు పాటించాలని వైద్యులు సూచించారు. అనారోగ్యానికి గురైతే వైద్యులు సలహా లేకుండా ఎటువంటి మందులు వాడరాదని సూచించారు. గ్రామాల్లో నిర్వహిస్తున్న ఉచిత వైద్య శిబిరాలను రోగులు సద్వినియోగం చేసుకోవాలని తెలిపారు. ఇంటి పరిసరాలను పరిశుభ్రంగా ఉంచుకోవడం వలన ఆరోగ్యవంతంగా జీవించవచ్చునని తెలియజేశారు. ఈ కార్యక్రమంలో మాజీ సర్పంచ్ జోగి చంద్రశేఖర్,  వైద్య సిబ్బంది పాల్గొన్నారు.

రిపోర్టర్ : రాము, సరుబుజ్జి, ఆమదాలవలస, శ్రీకాకుళం జిల్లా.