చంద్రబాబుకు ఓటమి భయం పట్టుకుంది

అమరావతి, సూర్య ప్రతినిధి :రాష్ట్ర ముఖ్యమంత్రి నారా చంద్రబాబు నాయుడికి ఓటమి భయం పట్టుకుందని, అందుకే ఎన్నికల్లో పోటీ లేకుండా చేసేందుకు కుట్రలు పన్నుతున్నారని వైఎస్సార్ కాంగ్రెస్ పార్టీ నాయకుడు సజ్జల రామకృష్ణారెడ్డి తీవ్ర స్థాయిలో ధ్వజమెత్తారు. ప్రస్తుత కూటమి ప్రభుత్వ పాలనలో రాష్ట్ర ప్రజలందరూ తీవ్ర ఇబ్బందులు ఎదుర్కొంటున్నారని ఆయన ఆరోపించారు.

పోలీసులు, ప్రభుత్వ అధికారులను చంద్రబాబు పూర్తిగా తన చెప్పుచేతల్లో ఉంచుకుని వ్యవస్థలను నిర్వీర్యం చేస్తున్నారని వ్యాఖ్యానించారు. రాబోయే ఎన్నికల్లో ప్రతిపక్ష నాయకులు, అభ్యర్థులు కనీసం నామినేషన్లు కూడా వేయకుండా అడ్డుకోవడానికి చంద్రబాబు కుట్రలు పన్నుతున్నారని సజ్జల ఆరోపించారు.