కడప కూటమి మేయర్ అభ్యర్థికి బీఫామ్ అందజేసిన ఎమ్మెల్యే
కడప కూటమి మేయర్ అభ్యర్థి మట్లి సువర్ణ కు ‘బి-ఫామ్’ అందజేసిన కడప ఎమ్మెల్యే
కడప, ప్రతినిధి, వేణు.
కడప నగరంలోని ఎమ్మెల్యే క్యాంప్ కార్యాలయంలో కూటమి తరఫున మేయర్ అభ్యర్థిగా ఎంపికైన మట్లి సువర్ణ కు, కడప శాసనసభ్యురాలు శ్రీమతి రెడ్డెప్పగారి మాధవి మంగళవారం అధికారికంగా ‘బి-ఫామ్’ అందజేశారు. అనంతరం ఆమెకు శుభాకాంక్షలు తెలిపి ఎన్నికల్లో విజయకేతనం ఎగురవేయాలని ఆకాంక్షించారు.
ఈ సందర్భంగా మేయర్ అభ్యర్థి మట్లి సువర్ణ మాట్లాడుతూ, కడప నగర అభివృద్ధి కూటమి ప్రభుత్వంతోనే సాధ్యమని స్పష్టం చేశారు. గత పాలకుల నేర సంస్కృతి, అరాచకాల నుంచి విముక్తి కల్పించి, నగరంలో శాంతిభద్రతలను కాపాడటమే తమ ప్రథమ కర్తవ్యమన్నారు. కడపను సమగ్రంగా అభివృద్ధి చేసి, సుందర నగరంగా తీర్చిదిద్దుతామని ధీమా వ్యక్తం చేశారు.ప్రజల మద్దతుతో కూటమి అభ్యర్థి మట్లి సువర్ణ భారీ మెజారిటీతో విజయం సాధించబోతున్నారని, నగర ప్రజలంతా అభివృద్ధి వైపు నిలబడి కూటమి అభ్యర్థిని గెలిపించాలని ఎమ్మెల్యే పిలుపునిచ్చారు.ఈ కార్యక్రమంలో కూటమి నాయకులు, కార్పొరేటర్ అభ్యర్థులు, కార్యకర్తలు, అభిమానులు పాల్గొన్నారు.
