చిత్రలేఖన పోటీల్లో రాష్ట్రస్థాయి ప్రథమ బహుమతి విద్యార్థిని షేక్ అప్సర్‌కు మాజీ మంత్రి ప్రత్తిపాటి పుల్లారావు అభినందనలు
చిలకలూరిపేట మేజర్ న్యూస్: రాష్ట్రస్థాయి చిత్రలేఖన పోటీల్లో ప్రథమ బహుమతి సాధించి పట్టణానికి పేరు తెచ్చిన ఎస్‌పిటిఆర్‌కెఎం స్కూల్ విద్యార్థిని షేక్ అప్సర్‌ను మాజీ మంత్రి,చిలకలూరిపేట ఎమ్మెల్యే ప్రత్తిపాటి పుల్లారావు అభినందించారు.విజయవాడలో నిర్వహించిన రాష్ట్రస్థాయి చిత్రలేఖన పోటీల్లో అప్సర్ ప్రతిభ చాటుకుని ప్రథమ బహుమతి సాధించింది.ఈ సందర్భంగా సోమవారం ఆమెను తన నివాసానికి ఆహ్వానించిన ప్రత్తిపాటి పుల్లారావు శాలువాతో సత్కరించి అభినందించారు.ఈ సందర్భంగా ఆయన మాట్లాడుతూ విద్యార్థుల్లో దాగి ఉన్న ప్రతిభను గుర్తించి ప్రోత్సహిస్తే వారు మరిన్ని విజయాలు సాధిస్తారని అన్నారు.చదువుతో పాటు చిత్రలేఖనం,క్రీడలు,ఇతర సృజనాత్మక రంగాల్లోనూ విద్యార్థులు రాణించాలని ఆకాంక్షించారు.చిన్న వయసులోనే రాష్ట్రస్థాయి పోటీల్లో ప్రథమ బహుమతి సాధించడం అభినందనీయమని,ఇదే స్ఫూర్తితో భవిష్యత్తులో జాతీయ,అంతర్జాతీయ స్థాయిల్లోనూ గుర్తింపు పొందాలని షేక్ అప్సర్‌ను ఆశీర్వదించారు.విద్యార్థుల విజయాలు తల్లిదండ్రులు,ఉపాధ్యాయులతో పాటు పట్టణానికి కూడా గర్వకారణమని పేర్కొన్నారు.
రిపోర్టర్:కొణిదెన నరేంద్ర చిలకలూరిపేట ఆర్సి ఇంచార్జ్
