చిన్న శ్రీను, సిరమ్మలను అంబలం పూజకు ఆహ్వానించిన కోనమసివానిపాలెం భవానీలు

విజయనగరం, అక్టోబర్ 08:

ఉమ్మడి విజయనగరం జిల్లా పరిషత్ మాజీ చైర్ పర్సన్, తెలుగుదేశం పార్టీ నాయకులు మజ్జి శ్రీనివాసరావు (చిన్న శ్రీను), వారి కుమార్తె సిరమ్మలను ఎస్.కోట నియోజకవర్గం, ఎల్.కోట మండలం కోనమసివానిపాలెం గ్రామానికి చెందిన భవానీ మాలధారులు, టీడీపీ నాయకులు గురువారం మర్యాదపూర్వకంగా కలిశారు.

ధర్మపురిలోని 'సిరి సహస్ర రైజింగ్ ప్యాలెస్'లో చిన్న శ్రీను నివాసంలో ఈ భేటీ జరిగింది. ఇటీవలే టీడీపీలో చేరి 'చిన్న శ్రీను సోల్జర్స్' అధ్యక్షురాలిగా బాధ్యతలు చేపట్టిన సిరమ్మకు శుభాకాంక్షలు తెలిపారు. అనంతరం తమ గ్రామంలో నిర్వహించనున్న అంబలం పూజకు హాజరుకావాల్సిందిగా చిన్న శ్రీను, సిరమ్మలను భవానీలు ఆహ్వానించారు.

ఈ సందర్భంగా చిన్న శ్రీను మాట్లాడుతూ... రాబోయే స్థానిక సంస్థల ఎన్నికల్లో పార్టీ విజయం కోసం నాయకులు, కార్యకర్తలు సమిష్టిగా కృషి చేయాలని పిలుపునిచ్చారు.

టీడీపీ నాయకులు, మాజీ సర్పంచ్ దూది సత్యనారాయణ, మాజీ వైస్ ప్రెసిడెంట్ దూది అప్పలనాయుడు, కాకర శ్రీను, కాకర శ్రీనివాసరావు, సతీష్, వార్డు మెంబర్ పి.తాతాలు, పాఠశాల కమిటీ చైర్మన్ కోన అప్పలరాజుల ఆధ్వర్యంలో సుమారు 50 మంది భవానీ దేవుళ్ళు, గ్రామ టీడీపీ నాయకులు ఈ కార్యక్రమంలో పాల్గొని తమ మద్దతు తెలిపారు.