చైర్మన్ స్థానంతో సహా అన్ని వార్డుల్లో పోటీకి కాంగ్రెస్ సిద్ధం

మదనపల్లె,మేజర్ న్యూస్ : అన్నమయ్య జిల్లా కేంద్రమైన మదనపల్లెలో చైర్మన్ అభ్యర్థితో సహా 48 వార్డు లలోను కాంగ్రెస్ పార్టీ అభ్యర్థులు పోటీ చేస్తారని  డిసిసి ఉపాధ్యక్షులు కొండుపల్లి ఆనంద్,మైనార్టీ విభాగం రాష్ట్ర ఉపాధ్యక్షులు డాక్టర్ ఎస్.కే బాషాలు ప్రకటించారు.గురువారం శీనా టీ స్టాల్ ఏదురుగా ఉన్న మదనపల్లె ప్రెస్ క్లబ్ నందు ఏర్పాటు చేసిన విలేకరుల సమావేశంలో వారు మాట్లాడుతూ
మదనపల్లె మున్సిపాలిటీలో కాంగ్రెస్ పార్టీ జెండా ఎగర వేయడమే లక్ష్యమని స్పష్టం చేశారు.ఇప్పటికే బలమైన అభ్యర్థులను పోటీకి నిలిపే విధంగా ముమ్మర ప్రయత్నాలు చేస్తున్నామని వెల్లడించారు.కాంగ్రెస్ పార్టీ తరఫున పోటీ చేయాలనే ఆసక్తి ఉన్న అభ్యర్థులు తమను సంప్రదిస్తే నియోజకవర్గ ఇన్చార్జ్ మల్లెల పవన్ కుమార్ రెడ్డి ద్వారా డిసిసి మరియు ఏపిసిసిల దృష్టికి తీసుకెళ్లి వారికి కాంగ్రెస్ పార్టీ తరఫున పోటీకి నిలిపేందుకు సహకరిస్తామని హామీ ఇచ్చారు.మదనపల్లె నియో జకవర్గంతోపాటు మదనపల్లె మున్సిపాలిటీ అభివృద్ధి కాంగ్రెస్ పార్టీ ద్వారా మాత్రమే జరిగిన విషయాన్ని వారు గుర్తు చేశారు.స్థానిక సంస్థల ఎన్నికల ద్వారా కాంగ్రెస్ పార్టీకి నూతన జవసత్వాలు నింపేవిధంగా అధిష్టానం గట్టి ప్రయత్నం చేస్తోందనికావున కాంగ్రెస్ పార్టీలో పనిచేయాలని ఆసక్తి ఉన్నవారు ముందుకు రావాలని పిలుపునిచ్చారు.ప్రస్తుత మున్సిపల్ ఎన్నికలలో బీసీలు,మహిళలు పోటీ చేయడానికి మెండుగా అవకాశాలు ఉన్నాయని ఈ అవకాశాన్ని సద్వినియోగం చేసుకోవాలని కోరారు.కాంగ్రెస్ పార్టీలో మాత్రమే కుల,మత రాజకీయాలకు అతీతంగా నాయకులు రాణించే అవకాశం ఉంటుందని పేర్కొన్నారు.భవిష్యత్తులో కాంగ్రెస్ పార్టీ అధికారంలోకి రావడం ఖాయమని,తద్వారా కాంగ్రెస్ పార్టీలో ఎదుగుదలకు అందరికీ అవకాశం ఉంటుందని గుర్తుచేశారు.కాంగ్రెస్ పార్టీలో ఎంతోమంది రాజకీయ నాయకులు ఉన్నత పదవులను అలంకరించారనే విషయాన్ని ప్రతి ఒక్కరూ గుర్తించాలని సూచించారు.ఈ కార్య క్రమంలో పార్టీ నాయకులు సలీం,భాను,షబానా,నజీమ్ షేక్,తాజూన్,షమీం షేక్,అక్బర్,మంజునాథ్,సాదిక్,గణేష్ తదితరులు పాల్గొన్నారు.

రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి