బుక్కరాయసముద్రం లంచమిస్తేనే ఉపాధి బిల్లులు!

బుక్కరాయసముద్రం

లంచమిస్తేనే ఉపాధి బిల్లులు! 

అధికారుల అవినీతిపై ఫీల్డ్ అసిస్టెంట్ల ఆగ్రహం

​

​బుక్కరాయసముద్రం మండలంలో ఉపాధి హామీ పథకం బిల్లుల మంజూరుకు లంచాలు డిమాండ్ చేస్తున్నారంటూ సహాయ ప్రాజెక్ట్ అధికారి (ఏపీఓ) సుజాతపై పలువురు క్షేత్ర సహాయకులు (ఫీల్డ్ అసిస్టెంట్లు) తీవ్ర ఆరోపణలు చేశారు. డిజిటల్ నగదు బదిలీ విధానంలో డబ్బులు పంపితేనే బిల్లులు ఆమోదిస్తున్నారని, ఇందుకు సంబంధించిన ఆధారాలను, ఆర్థిక లావాదేవీల చిత్రాలను ఉన్నతాధికారులకు అందజేసినట్లు వెల్లడించారు.

​లంచాలు ఇస్తేనే పనులు జరిగే పరిస్థితి దాపురించిందని, ఇది సరైన పాలన కాదని వారు మండిపడ్డారు. ఈ అక్రమ వ్యవహారంపై సమగ్ర విచారణ జరిపి, అవినీతికి పాల్పడిన వారిపై కఠిన చర్యలు తీసుకోవాలని క్షేత్ర సహాయకులు డిమాండ్ చేశారు.

 అనంతపురం క్రైమ్ రిపోర్టర్ హనుమంత్ చారి