బోరంపల్లి టిడిపికి షాక్.. వైసీపీలో చేరిన సీనియర్ నాయకులు.
*కళ్యాణదుర్గం: మండలం బోరంపల్లి గ్రామంలో రాజకీయ పరిణామం చోటుచేసుకుంది. తెలుగుదేశం పార్టీ ఆవిర్భావం నుంచి సుమారు 40 ఏళ్లుగా పార్టీలో కొనసాగుతూ వచ్చిన పలువురు సీనియర్ నాయకులు, వారి కుటుంబ సభ్యులు వైఎస్సార్ కాంగ్రెస్ పార్టీలో చేరారు. వైఎస్సార్సీపీ సమన్వయకర్త తలారి రంగయ్య సమక్షంలో పార్టీ కండువాలు కప్పుకుని వైసీపీలోకి వచ్చారు. టీడీపీలో సుదీర్ఘకాలంగా పనిచేసిన నాయకులు పార్టీని వీడి వైఎస్సార్సీపీలో చేరడం గ్రామంతో పాటు నియోజకవర్గ రాజకీయ వర్గాల్లో చర్చనీయాంశంగా మారింది. టీడీపీ సీనియర్ నాయకుడు ముదెప్పగారి కురుబ ఉమేష్, బుల్లిగుండ్ల పరంధామ, బులిగుండ్ల వేణు, బోయ మాదక్క గారి రాయుడు తదితరులు వైఎస్సార్సీపీలో చేరిన వారిలో ఉన్నారు. ఈ సందర్భంగా పార్టీలో చేరిన నాయకులు మాట్లాడుతూ.. ఎన్నో సంవత్సరాలుగా టీడీపీలో ఉంటూ పార్టీ కోసం పనిచేసినా తగిన గుర్తింపు, గౌరవం దక్కలేదని ఆవేదన వ్యక్తం చేశారు. గతంలో వైఎస్సార్సీపీ ప్రభుత్వ హయాంలో ప్రజలకు వివిధ సంక్షేమ పథకాలు అందాయని, ప్రస్తుత టీడీపీ ప్రభుత్వంలో పథకాలు పొందాలంటే నాయకుల ఇళ్ల చుట్టూ తిరగాల్సిన పరిస్థితి ఏర్పడిందని విమర్శించారు. జగనన్న నాయకత్వంపై నమ్మకంతో, తలారి రంగయ్య ఆధ్వర్యంలో వైఎస్సార్సీపీలో చేరాలని నిర్ణయించుకున్నట్లు వెల్లడించారు. అనంతరం తలారి రంగయ్య పార్టీలో చేరిన నాయకులకు కండువాలు కప్పి సాదరంగా ఆహ్వానించారు. ఈ సందర్భంగా ఆయన మాట్లాడుతూ పార్టీ కోసం కష్టపడి పనిచేసే ప్రతి కార్యకర్తకు తగిన గుర్తింపు, గౌరవం ఉంటుందని భరోసా ఇచ్చారు. ప్రజా సమస్యల పరిష్కారానికి కృషి చేసే నాయకులు అవసరమని, ప్రజలకు సేవ చేయడమే రాజకీయాల ప్రధాన లక్ష్యం కావాలని పేర్కొన్నారు. ఈ కార్యక్రమంలో మాజీ మార్కెట్ యార్డ్ చైర్మన్ దొడగట్ట నారాయణ, దొడగట్ట మురళి, మండల కన్వీనర్ సూర్యనారాయణ, బోరంపల్లి నాయకులు అంజనరెడ్డి, బలరాం, కృష్ణారెడ్డి, అనిల్కుమార్రెడ్డి, చరణ్రెడ్డి, వరుణ్రెడ్డి, మదన్మోహన్రెడ్డి, హరికృష్ణ, ఆదినారాయణరెడ్డి, లింగప్పగారి మల్లయ్య, లింగప్పగారి రామాంజనేయులు, లింగప్పగారి ఆంజనేయులు తదితరులు పాల్గొన్నారు. గ్రామ సర్పంచ్ అభ్యర్థి రామాంజనేయులతో పాటు వార్డు సభ్యులుగా పోటీ చేస్తున్న అభ్యర్థులు కూడా కార్యక్రమంలో పాల్గొన్నారు. బోరంపల్లిలో చోటుచేసుకున్న ఈ చేరికలు స్థానిక రాజకీయాల్లో ప్రాధాన్యత సంతరించుకున్నాయి.