బంగారు పతకం సాధించిన లక్ష్మీ అనూష - కమిషనర్ వై.ఓ. నందన్ అభినందనలు

నెల్లూరు, కార్పొరేషన్, మేజర్ న్యూస్

22వ వార్డు పరిధిలోని వార్డు సచివాలయంలో విద్యా, డేటా ప్రాసెసింగ్ కార్యదర్శిగా పనిచేస్తున్న తుమ్మల లక్ష్మీ అనూష, డాక్టర్ బి.ఆర్. అంబేద్కర్ ఓపెన్ యూనివర్సిటీ, హైదరాబాద్ నుంచి ఎం.ఏ. (పబ్లిక్ అడ్మినిస్ట్రేషన్) లో ప్రతిభ కనబరిచి బంగారు పతకం సాధించారు.
అక్టోబర్ 7న హైదరాబాద్‌లో జరిగిన విశ్వవిద్యాలయ స్నాతకోత్సవంలో తెలంగాణ గవర్నర్  సియా ప్రతాప్ శుక్లా చేతుల మీదుగా ఆమె బంగారు పతకాన్ని, పట్టాను అందుకున్నారు.
విధులు నిర్వర్తిస్తూనే, ప్రభుత్వ ఉద్యోగిగా తన బాధ్యతలకు ఎలాంటి ఆటంకం రాకుండా చదువును కొనసాగించి ఈ ఘనత సాధించడం విశేషం. ఈ సందర్భంగా 
కమిషనర్  వై. ఓ. నందన్ ఆమెను కార్యాలయంలోని కమిషనర్ ఛాంబర్ లో గురువారం హృదయపూర్వకంగా అభినందించి, ఆమె కృషిని ప్రశంసించారు. ఇది సచివాలయ ఉద్యోగులందరికీ స్ఫూర్తిదాయకమని పేర్కొన్నారు.

ఈ సందర్భంగా అనూష మాట్లాడుతూ, ఈ విజయం తన కుటుంబ సభ్యులు, అధ్యాపకులు, అధికారుల ప్రోత్సాహం వల్లే సాధ్యమైందని తెలిపారు. భవిష్యత్తులో కూడా ప్రజలకు మెరుగైన సేవలందించేందుకు కృషి చేస్తానని చెప్పారు.