భక్తులకు లలిత త్రిపుర సుందరిగా దర్శనం ఇచ్చిన విజయ దుర్గమ్మ అమ్మవారు

నేటి దినపత్రిక సూర్య బ్యూరో రాజమహేంద్రవరంమండపేట గాంధీనగర్ రైతు బజార్ వద్ద కొలువై ఉన్న శ్రీ విజయ దుర్గా అమ్మవారి ఆలయంలో శరన్నవరాత్రి మహోత్సవాలు భక్తిశ్రద్ధలతో కొనసాగుతున్నాయి.నవరాత్రి ఉత్సవాల్లో భాగంగా ఐదవ రోజు అమ్మవారిని శ్రీ లలితా త్రిపుర సుందరీ దేవిగా సర్వాంగ సుందరంగా అలంకరించారు. జగన్మాత దివ్య అలంకరణ భక్తులను విశేషంగా ఆకట్టుకుంది.సకల శుభాలను ప్రసాదించే శ్రీ లలితా త్రిపుర సుందరీ దేవిని దర్శించుకోవడం ఎంతో పుణ్యప్రదమని భక్తుల విశ్వాసం. అమ్మవారి దివ్య మంగళ స్వరూపాన్ని దర్శించుకుని భక్తులు భక్తిపారవశ్యంలో మునిగిపోయారు. ఆలయ అర్చకులు పిచ్చుక మధు ఆధ్వర్యంలో విశేష పూజలు నిర్వహించారు. భవాని మాలదారులు కు అన్నదాన కార్యక్రమం నిర్వహించారు. భక్తులకు తీర్థ ప్రసాదాలు పంపిణీ చేశారు. అమ్మవారిని భక్తులు దర్శించి పూజలు అభిషేకాలు నిర్వహించారు.