andhrapradesh
భక్తులకు ఇబ్బందులు లేకుండా పటిష్ట ఏర్పాట్లు
ఇంద్రకీలాద్రి, మేజర్ న్యూస్ : ఇంద్రకీలాద్రిపై శరన్నవరాత్రి ఉత్సవాలకు వివిధ ప్రాంతాల నుంచి తరలివస్తున్న భక్తులకు ఎలాంటి అసౌకర్యం కలగకుండా జిల్లా యంత్రాంగం, దేవాదాయ శాఖ, ఆలయ అధికారులు, సిబ్బంది సమన్వయంతో పటిష్ట ఏర్పాట్లు చేశారు. జిల్లా కలెక్టర్ డాక్టర్ జి. లక్ష్మీశ భక్తులకు అందుతున్న సౌకర్యాలను ఎప్పటికప్పుడు పరిశీలిస్తూ, ఎక్కడైనా లోటుపాట్లు గుర్తిస్తే సంబంధిత అధికారులకు తగిన ఆదేశాలు జారీ చేస్తున్నారు. క్యూలైన్లలో వేచి ఉన్న భక్తులకు తాగునీటి సమస్య తలెత్తకుండా అధికారులు ప్రత్యేక శ్రద్ధ తీసుకుంటున్నారు.
