భగత్‌సింగ్‌కు జనసేన నాయకుల నివాళి

మెలియాపుట్టి. సెప్టెంబర్ 28. మేజర్ న్యూస్...
మెళియాపుట్టి మండలంలోని జలకలింగపురం గ్రామంలో భగత్‌సింగ్‌ జయంతిని పురస్కరించుకుని సోమవారం జనసేన పార్టీ నాయకులు నివాళులర్పించారు. పార్టీ నాయకుడు దుక్క బాలరాజు ఆధ్వర్యంలో భగత్‌సింగ్‌ విగ్రహానికి పూలమాలలు వేసి ఘనంగా నివాళులర్పించారు.
భగత్‌సింగ్‌ దేశ స్వాతంత్ర్యం కోసం చేసిన పోరాటం, యువతలో స్ఫూర్తి నింపిన త్యాగాలను నాయకులు ఈ సందర్భంగా గుర్తుచేశారు. బ్రిటిష్‌ పాలనకు వ్యతిరేకంగా విప్లవోద్యమంలో కీలక పాత్ర పోషించిన భగత్‌సింగ్‌ దేశం కోసం 1931 మార్చి 23న ప్రాణత్యాగం చేశారని పేర్కొన్నారు. ఆయన ఆశయాలను నేటి యువత ఆదర్శంగా తీసుకోవాలని పిలుపునిచ్చారు.
ఈ కార్యక్రమంలో జనసేన నాయకులు రాణ జనార్దన్‌రావు, నక్క శ్యాంసుందర్‌రావు, నడిమింటి హిలంబిరావు, సేనాపతి సీతారం, సేనాపతి తిరుమలరావు తదితరులు పాల్గొన్నారు.