భారీ వర్షంలోనూ వీడని విధి నిర్వహణ పూతలపట్టు సీఐ అంకితభావానికి నీరాజనాలు
పూతలపట్టు, మేజర్ న్యూస్:
ఎన్నికల నామినేషన్ల పర్వంలో భాగంగా పూతలపట్టు మండలం లో రాజకీయ వాతావరణం ఒక్కసారిగా వేడెక్కింది నామినేషన్ల సందడి జోరుగా సాగుతున్న సమయంలో, అకస్మాత్తుగా వాతావరణం మారి ఉరుములు, మెరుపులతో కూడిన భారీ వర్షం కురిసింది. అయితే, ఈ ప్రతికూల వాతావరణాన్ని సైతం లెక్కచేయకుండా పూతలపట్టు సీఐ తిమ్మయ్య ప్రదర్శించిన కర్తవ్య దీక్ష స్థానికులను ఎంతగానో ఆకట్టుకుంది శాంతిభద్రతల పరిరక్షణే ధ్యేయంగా ఆయన క్షేత్రస్థాయిలో స్వయంగా రంగంలోకి దిగి నామినేషన్ల కేంద్రాల వద్ద ఎలాంటి అవాంఛనీయ సంఘటనలు జరగకుండా, ట్రాఫిక్కు ఎలాంటి అంతరాయం కలగకుండా నిరంతరం పర్యవేక్షించారు కురుస్తున్న భారీ వర్షంలోనూ గొడుగు పట్టుకుని నిలబడి, తన సిబ్బందికి తగిన దిశానిర్దేశం చేస్తూ ముందుండి నడిపించారు విధి నిర్వహణలో ఆయన చూపిన ఈ నిబద్ధత, అంకితభావం అక్కడి ప్రజలను, ప్రయాణికులను విస్మయానికి గురిచేశాయి ప్రతికూల పరిస్థితులలోనూ ప్రజల రక్షణే ముఖ్యం భావించి సీఐ తిమ్మయ్య కనబరిచిన చొరవపై సర్వత్రా ప్రశంసల జల్లు కురుస్తోంది.
పూతలపట్టు మండలం రిపోర్టర్ దిలీప్ కుమార్
