బస్సు వెళ్లేందుకు ఏది దారి?.. పాదచారులకు మార్గమేది?

భట్టిప్రోలు, మేజర్ న్యూస్: మండల కేంద్ర మైన భట్టిప్రోలు నందలి చావలి సెంటర్ నందు బస్సుల రాకపోకల సమయాలలో నిత్యం వాహనదారులు, ప్రయాణికులకు అనేక ఇబ్బందులు పడుతున్నారు. రోడ్డుకు ఇరువైపులా ద్విచక్ర వాహనదారుల పార్కింగ్ లు కూడా ఒక కారణంగా ప్రజలు భావిస్తున్నారు. ప్రస్తుతం నిత్యం రద్దీగా ఉండే రధం సెంటర్,చావలి సెంటర్,అద్దేపల్లి మసీదు సెంటర్,బస్టాండ్ కు ద్విచక్ర వాహనదారులకు నో-పార్కింగ్ సైన్ బోర్డులు పెట్టడం ద్వారా ట్రాఫిక్ ను కొంత నివారించ వచ్చునని,ట్రాఫిక్ పోలీసు సిబ్బందిని విధులకు ఉపయోగించడం వల్ల కూడా సమస్య పరిష్కారం అవుతుందని ప్రజలు కోరుకుంటున్నారు. ఏది ఏమైనా 22వేల జనాభా కలిగిన పంచాయతీగా పేరుపొందిన భట్టిప్రోలు కు సరిపడా రోడ్లు విస్తరణ లేకపోవడం గ్రామ ప్రజల దురదృష్టమని చెప్పవచ్చు,రోడ్డు మార్జిన్ లో ఉన్న గృహాల యజమానులు మానవతాదృష్టితో  ఆలోచించి, ప్రభుత్వానికి సహకరించి రోడ్డు విస్తరణకు మార్గాన్ని సుగమం చేస్తారని గ్రామ ప్రజలు ఆశిస్తున్నారు.