బనవాసిలో 11న ఉచిత మెగా వైద్య శిబిరం

బనవాసిలో 11న ఉచిత మెగా వైద్య శిబిరం

ఎమ్మిగనూరు సూర్య ప్రతినిధి

జేఎన్వీ కర్నూలు అల్యూమ్నీ అండ్ వెల్ఫేర్ ట్రస్ట్ ఆధ్వర్యంలో అక్టోబర్ 11న ఉచిత మెగా వైద్య శిబిరాన్ని నిర్వహించనున్నారు. బనవాసిలోని జేఎన్వీ కర్నూలు పాఠశాల ప్రాంగణంలో ఉదయం 9 గంటల నుంచి శిబిరం ప్రారంభమవుతుంది.
వివిధ వైద్య విభాగాలకు చెందిన నిపుణులైన వైద్యులు శిబిరంలో పాల్గొని ప్రజలకు ఉచితంగా వైద్య సంప్రదింపులు, ఆరోగ్య పరీక్షలు, మందులు అందించనున్నారు. ఎముకలు, కీళ్లు, కిడ్నీ, గుండె, పిల్లల వైద్యం, క్యాన్సర్, చర్మం, స్త్రీల ఆరోగ్యం, చెవి-ముక్కు-గొంతు, దంత, న్యూరో తదితర విభాగాల్లో వైద్య సేవలు అందుబాటులో ఉంటాయి.
జేఎన్వీ విద్యార్థులు, తల్లిదండ్రులు, పూర్వ విద్యార్థులు, వారి కుటుంబ సభ్యులు ఈ ఉచిత వైద్య శిబిరాన్ని సద్వినియోగం చేసుకోవాలని ట్రస్ట్ అధ్యక్షులు జె.హెచ్. సతీష్ కోరారు.