బహుజన రాజకీయ దురంధరుడు మాన్యవార్ కాన్షీరామ్ 20వ వర్ధంతి సందర్భంగా ఘన నివాళులు

రేపల్లె మేజర్ న్యూస్;
ఈ దేశంలో 85% ఓటర్లుగా ఉన్నటువంటి బహుజనులను రాజ్యాధికారం వైపు నడిపించిన రాజకీయ దురంధరుడు మాన్యవార్ కాన్షీరామ్ అని  బహుజన సమాజ్ పార్టీ(బిఎస్పీ) రేపల్లె అసెంబ్లీ ఇన్చార్జి అండ్రాజు రామరాజు  జైభీమ్ రావ్ భారత్ పార్టీ (జేబిపి) రేపల్లె అసెంబ్లీ ఇన్చార్జి దోవా రమేష్ రాంజీ లు కొనియాడారు. శుక్రవారం రేపల్లె పట్టణంలోని అంబేద్కర్ భవనం లో బహుజన సమాజ్ పార్టీ ఆధ్వర్యంలో కాన్షీరామ్ 20వ వర్ధంతి వేడుకలను నిర్వహించారు. ఈ సందర్భంగా వక్తలు మాట్లాడుతూ ఓట్లు మావి - సీట్లు మీవా ఇకపై చెల్లదు అని భారతదేశంలో నూతన రాజకీయ వరవడిని సృష్టించి రాజ్యాంగ నిర్మాత అంబేద్కర్ ప్రకటించిన పొలిటికల్ పవర్ ఇస్ ది మాస్టర్ కీ అను రాజకీయ పోరాటానికి బాటలు వేసిన మహనీయుడని పేర్కొన్నారు. దేశంలో ఉన్నటువంటి అనేక రాజకీయ పార్టీలు కాన్షిరాం ఆశయ  సాధన కోసం రాజీలేని పోరాటాలు చేస్తున్నాయని, ఒక మహిళ బెహన్ కుమారి మాయావతిని నాలుగుసార్లు ముఖ్యమంత్రి పీఠం పై కూర్చోబెట్టిన ఘనత కాన్షిరాం మహనీయుడికే దక్కుతుందన్నారు. కాన్షిరాం ఆశయ సాధనకు ప్రతి ఒక్కరు పాటుపడాలని పిలుపునిచ్చారు. ఈ కార్యక్రమంలో మాజీ కౌన్సిలర్ జూలకంటి బుజ్జిబాబు జె బి పి జిల్లా కమిటీ సభ్యులు నేరుసు వెంకటరమనాయుడు, రిటైర్డ్ ఉపాధ్యాయులు మేకతోటి మోక్షానందం, ఆవుల సాంబశివరావు, గాలి సురేష్,  యోహాన్, దారం అంబేద్కర్, బడుగు జయరాజ్ తదితరులు పాల్గొన్నారు