అయ్యప్ప స్వాములతో మమేకమైన ఎమ్మెల్యే ఏలూరి : పాండురంగ స్వామి ఆలయం, అయ్యప్ప పీఠం వద్ద ప్రత్యేక పూజలు

మార్టూరు, మేజర్‌న్యూస్‌ :

అయ్యప్ప స్వాములతో ఎమ్మెల్యే ఏలూరి సాంబశివరావు మమేకమయ్యారు. ఆదివారం మార్టూరు గ్రామంలోని శ్రీ పాండురంగ స్వామి దేవస్థానంలో అయ్యప్ప మాల ధరించిన స్వాముల కోసం నిర్వహించిన సద్ది కార్యక్రమంలో ఆయన పాల్గొన్నారు. ఈ సందర్భంగా ఆలయంలో ప్రత్యేక పూజలు నిర్వహించి, స్వాములకు సద్ది కార్యక్రమాన్ని ప్రారంభించారు. అనంతరం అయ్యప్ప స్వాములకు ఎమ్మెల్యే ఏలూరి స్వయంగా సద్ది వడ్డించారు. భక్తిశ్రద్ధలతో నిర్వహించిన ఈ కార్యక్రమంలో స్వాములతో కలిసి కొద్దిసేపు గడిపి వారి ఆధ్యాత్మిక కార్యక్రమాల్లో భాగస్వాములయ్యారు. అయ్యప్ప స్వాముల ఆశీస్సులు అందరికీ ఉండాలని ఆకాంక్షించారు. ఈ కార్యక్రమంలో ఆలయ కమిటీ సభ్యులు, అయ్యప్ప మాలధారులు, భక్తులు, స్థానిక నాయకులు తదితరులు పాల్గొన్నారు.