అవనిగడ్డలో జోరుగా తెలుగుదేశం ప్రచారం ఇంటింటికీ వెళ్లి ఓటర్లను కలిసిన జయలక్ష్మి

అవనిగడ్డ, మేజర్ న్యూస్: స్థానిక సంస్థల ఎన్నికల ప్రచారంలో భాగంగా కూటమి బలపరిచిన అవనిగడ్డ మండల జడ్పీటీసీ అభ్యర్థి విక్కుర్తి జయలక్ష్మి సోమవారం దక్షిణ చిరువోలంక గ్రామం నుంచి ప్రచారం ప్రారంభించారు. నియోజకవర్గ టీడీపీ ఇన్‌చార్జి విక్కుర్తి శ్రీనివాసరావు ప్రచారాన్ని ప్రారంభించగా, దక్షిణ చిరువోలంక ఎంపీటీసీ అభ్యర్థి పి. లంకమ్మ ప్రసాద్‌తో కలిసి జయలక్ష్మి ఇంటింటికీ వెళ్లి ఓటర్లను కలిశారు. కరపత్రాలు పంపిణీ చేస్తూ స్థానిక సమస్యలను తెలుసుకున్నారు. కూటమి అభ్యర్థులకు మద్దతు తెలిపి గెలిపించాలని కోరారు.అనంతరం స్థానిక ఒకటో వార్డు లోని సీతాలంక, కోటగిరిలంక గ్రామాల్లో ఎంపీటీసీ అభ్యర్థి డేగల సుజాతతో కలిసి ప్రచారం నిర్వహించారు. వృద్ధులకు అందిస్తున్న పింఛన్లు, మహిళలకు ఉచిత బస్సు ప్రయాణ సౌకర్యం, గ్రామాల అభివృద్ధిని వివరిస్తూ సైకిల్ గుర్తుపై ఓటు వేసి కూటమి అభ్యర్థులను భారీ మెజారిటీతో గెలిపించాలని జయలక్ష్మి విజ్ఞప్తి చేశారు. ఈ కార్యక్రమంలో కూటమి నాయకులు, కార్యకర్తలు పాల్గొన్నారు.✍️ అజంతా శ్రీనివాస్, అవనిగడ్డ, కృష్ణాజిల్లా.