అన్ని పాఠశాలల్లో ప్రశాంతంగా ముగిసిన ఎస్ ఎం సిఎన్నికలు మండల విద్యాశాఖాధికారి

వింజమూరు మేజర్ న్యూస్  :  వింజమూరుమండల పరిధిలోని అన్ని ప్రభుత్వ పాఠశాలల్లో పాఠశాల నిర్వహణ కమిటీ (ఎస్ ఎం సి)ఎన్నికలు నిబంధనల ప్రకారం ప్రశాంతంగా, విజయవంతంగా ముగిసినట్లు ఎంఈఓ పి రమేష్ తెలిపారు ఈ సందర్భంగా ఆయన మాట్లాడుతూ  పాఠశాల విద్యాశాఖ మార్గదర్శకాలకు అనుగుణంగా నిర్వహించిన ఈ ఎన్నికల్లో విద్యార్థుల తల్లిదండ్రులు ఉత్సాహంగా పాల్గొని తమ ప్రతినిధులను ఎన్నుకున్నారు. ఎన్నికల ప్రక్రియలో ఎలాంటి అవాంఛనీయ సంఘటనలకు తావులేకుండా సంబంధిత అధికారులు, ప్రధానోపాధ్యాయులు మరియు సిబ్బంది సమన్వయంతో ఎన్నికలను సజావుగా నిర్వహించారు.
ఎన్నికైన ఎస్ఎంసి సభ్యులు పాఠశాల అభివృద్ధి, విద్యార్థుల విద్యా ప్రమాణాల మెరుగుదల, పాఠశాలలో మౌలిక వసతుల అభివృద్ధి తదితర అంశాల్లో పాఠశాల యాజమాన్యంతో సమన్వయంతో పనిచేయాలని అధికారులు సూచించారు.  ఎస్ ఎం సిఎన్నికల నిర్వహణకు సహకరించిన విద్యార్థుల తల్లిదండ్రులు, ప్రధానోపాధ్యాయులు, ఉపాధ్యాయులు, ఎన్నికల సిబ్బంది మరియు సంబంధిత అధికారులకు విద్యాశాఖ తరఫున కృతజ్ఞతలు తెలియజేశారు.