అనంతలో కూటమి బలప్రదర్శన.

అనంతపురం కలెక్టరేట్ రిపోర్టర్ వేణుగోపాల్…

అనంతలో కూటమి బలప్రదర్శన.. బీజేపీ మేయర్ అభ్యర్థిగా అజేష్ యాదవ్ నామినేషన్

అనంతలో కూటమి బలప్రదర్శన.. బీజేపీ మేయర్ అభ్యర్థిగా అజేష్ యాదవ్ నామినేషన్

భారీ ర్యాలీతో హోరెత్తిన అనంతపురం వీధులు.. మూడు పార్టీల నేతల ఐక్యతా ప్రదర్శన

అజేష్ గెలుపే లక్ష్యంగా టీడీపీ, జనసేన, బీజేపీ శ్రేణుల ప్రతిన

అనంతపురం: నగర మేయర్ అభ్యర్థిగా బీజేపీకి చెందిన అజేష్ యాదవ్ నామినేషన్ కార్యక్రమం అట్టహాసంగా సాగింది. టీడీపీ, జనసేన, బీజేపీ నాయకులు, కార్యకర్తలు భారీ సంఖ్యలో తరలిరావడంతో అనంతపురం నగర వీధులు కూటమి జెండాలు, నినాదాలతో మార్మోగాయి. కోర్టు రోడ్డు నుంచి టవర్ క్లాక్, సప్తగిరి సర్కిల్ మీదుగా నగరపాలక సంస్థ కార్యాలయం వరకు భారీ ర్యాలీ నిర్వహించారు.

కార్యక్రమంలో బీజేపీ రాష్ట్ర అధ్యక్షుడు పీవీఎన్ మాధవ్, మంత్రి సత్యకుమార్ యాదవ్, ఎమ్మెల్యే దగ్గుపాటి ప్రసాద్, ఎంపీ అంబికా లక్ష్మీనారాయణ, కూటమి ముఖ్య నాయకులు పాల్గొని అజేష్ యాదవ్‌కు మద్దతు ప్రకటించారు.

మూడు పార్టీల నాయకులు మాట్లాడుతూ అజేష్ యాదవ్ గెలుపు కోసం సమష్టిగా పనిచేస్తామని స్పష్టం చేశారు. కేంద్ర, రాష్ట్ర ప్రభుత్వాల సహకారంతో నగరాభివృద్ధి సాధ్యమవుతుందని మంత్రి సత్యకుమార్ పేర్కొన్నారు. 2024 ఎన్నికల విజయాన్ని మించి మెరుగైన ఫలితాలు సాధిస్తామని ఎమ్మెల్యే దగ్గుపాటి ప్రసాద్ ధీమా వ్యక్తం చేశారు. కూటమి అభ్యర్థికి ప్రజల మద్దతు ఉందని ఎంపీ అంబికా లక్ష్మీనారాయణ అన్నారు.

కూటమి పార్టీల మధ్య విభేదాలు ఉన్నాయంటూ జరుగుతున్న ప్రచారానికి భారీ ర్యాలీతో సమాధానం చెప్పామని అజేష్ యాదవ్ పేర్కొన్నారు. మూడు పార్టీల నాయకులు, కార్యకర్తలు ఐక్యంగా పనిచేసి తనను గెలిపిస్తారని ఆశాభావం వ్యక్తం చేశారు. నగర ప్రజల సహకారంతో అనంతపురం రూపురేఖలు మారుస్తానని హామీ ఇచ్చారు.